Uumasut nakorsiartarfiat qissimigaarlugu
Nuummi Donnas Dyreklinik piffissap ilaani pinartumik atugaqalersimagaluarpoq uumasutnakorsaanik peerukkaluarami. Maanna eqqissisimanarseqqippoq. Uumasut nakorsiartarfiannikannaassisoq ateqarpoq Casey Tucker, Australiameersoq, taassumalu sulilerami ullormi siullermiqaqutigoortumik pisartumik qimmiaqqat sisamat tulleriiaaginnavillugit misissorsimavai.
Qernertut marluk qaamasullu marluk. Qimmiaqqat sisamat, Donnas Dyreklinikimi uumasut
nakorsaannit nutaamit, Australiameersumit Casey Tuckerimit, misissorneqassapput, taassumalu misissorpai tikinnermi kingorna mattussaaqqareerluni ullormi sulilerfimmini siullermi.
- Inuit tamatigut isumaqartarput uumasut nakorsaat qimmiararpassuarnik passussisartut,
tamannali qaqutigoortuuvoq. Uumasut sivisuumik uumasarput, taamaattumik qaqutikkut
piaqqanik takkuttoqartarpoq, uumasut nakorsaat aviisimut AG-mut oqarpoq.
- Sulileqqaarnera nalissaqanngilaq, qungujulluni oqarpoq.
Casey, uini meeqqatillu mikisut marluk ilagalugit maanga tikippoq.
- Kalaallit Nunaannukarusuttarsimavugut. 2020-imi apriilimi maanngartussaasimagaluarpugut, kisiannili…, taanna oqarpoq tuinilu kiviinnarlugit, paasinarporlu corona pissutigalugu maanngarnissaraluat maangaannarsimasoq. Tassami, siullermik.
Qimmiaqqat sisamat taakkua suli atserneqarsimanngillat, tamarmillu nutaamik
piginnittussarsiuunneqassapput. Qernertut Kapisilinneersuupput, angalaaginnartuusimallutik.
Piginnittuisa ilai arfinillit toqoreersimavai, Nuummilu klinikassistenti qimminullu inspektøri Tom Amtoft akulerussimanngitsuuppat taakkua aamma toqunneqarsimassagaluarput. Qaamasut marluk Paamiuneersuupput. Arnaat piaqqinermi aqaguani kinguaassiuutaajarneqarsimavoq. Qimmiaqqat Nuummiinnerminni – ilaqutartaarnissamik tungaanut – Uumasut Ikinngutaanni paarineqassapput. Kajumissutsiminnik ikiuuttut pingasut, ilaatigut siulittaasup Alex Grønkjærip, qimmiaqqat pequertut tassunngaappaat. Qimmiaraq qernertoq siulliulluni biilimit pissiinnavik anivoq, ilani mianersornerulaartut. Ataaseq minutsi ataaseq nangaagaluarpoq.
Oqaluttuaq tamaat AG-mi sapaatip akunnerani matumani saqqummersumi atuaruk. Akiliillutit ugguuna iserfigisinnaavat: