Uummannaq arlaleriariarluni sarfaaruppoq
Uummannap sarfamik pilersorneqarnera sisamanngormalli kipisaqattaarpoq. Illoqarfimmi sumiiffiit ilaanni innaagiaqaqqilerpoq tallimanngornerup ullaavani. Politiit suli saaffigineqarsinnaapput.
Annonse
Uummmannami sisamanngormat nalunaaquttap 14.00-ip missaani sarfaaruppoq. Sarfaneqqikkaluartoq tallimanngornerup ullaavani innaallagiaq qaminneqaqqittariariaqarsimavoq.
Politiit tusagassiutinut nalunaaruteqarput.
Sarfaarukkaluartoq oqarasuaatikkut angallattakkakkut suli sianertoqarsinnaavoq. Politiit pisariaqartinneqassappata oqarasuaammut 70 14 48-imut sianerfigineqarsinnaapput.
Tallianngornerup ullaavani innaallagiaq piffiit ilaanni iluatsippoq, sulili illoqarfik tamakkerlugu pilersuinissaq sulissutigineqartoq, Nukissiorfiit Facebookikkut allapput.
- Nukissiorfiit ajuusaarutigaat persaqqusersuutaasinnaasunut. Sulisut eqqissillutik suliaqarniassammata ajoquserneqarnaveersaarnissaat pisariaqarpoq, Nukissiorfiit allapput.