Uummannaq: Uummannami imeqarfik minguerukkaluartoq kuuffimmit suli imertoqarsinnaanngilaq

Uummannami imeq uuliamik mingutsinneqarunnaareeraluartoq, innuttaasut kuuffimmit suli imeqqusaanngillat.

Nukissiorfiit Uummannami imeq uuliamik mingutsinneqarmalli minguiaallutillu misissungassanik tigusisarsimapput. Misissukkat maanna takutippaat imeq mingukkunnaarsimasoq, taamalu Nukissiorfiit imeqarfimmik ammaaqqinnissamut oqartussanit akuerineqarsimallutik.

- Pin­ngor­ti­ta­mut, A­va­ta­ngii­si­nul­lu Naa­lak­ker­su­i­so­qar­fi­up 2019-imi septembarip 29-ani i­mer­mit i­me­qar­fim­meer­su­mit er­ngup mi­sis­sor­ne­qar­ne­ra­nit i­ner­ne­rit u­ter­tin­ne­qar­tut ti­gu­aat, taak­ku­na­ni­lu ta­ku­ne­qar­sin­naa­voq er­ngup pit­saas­su­si­a naam­ma­gi­nar­toq, Pinngortitamut Avatangiisinullu Naalakkersuisoqarfik nalunaarummini taamatut allappoq.

- Tap­pi­o­ran­nar­tut ke­miski­u­sut aam­ma mikro­bi­o­lo­giski­u­sut i­mer­mit mi­sis­soq­qis­saar­ne­qa­reer­si­ma­su­mit, tas­sa mi­ngut­sit­si­si­ma­ner­mut i­li­sar­naa­ti­nut tun­nga­til­lu­gu, taak­ku­na­ni ma­lu­gi­ni­ar­ne­qar­sin­naa­si­man­ngil­lat kil­li­us­saa­tut na­li­gi­tin­ne­qar­tus­sa­nit na­lu­naa­rum­mi u­a­ni “Er­ngup i­mi­gas­sap pit­saas­su­si­a aam­ma i­mer­mik pi­ler­su­i­viit nak­ku­ti­gi­ne­qar­ne­rat pil­lu­git Nam­mi­ner­sor­ne­rul­lu­tik O­qar­tus­sat na­lu­naa­ru­taat nr. 7, 17. mar­t­s 2008-i­meer­su­mi” qaa­ngii­so­qar­si­ma­ne­ra­nik ta­kus­su­tis­sar­ta­qan­ngi­laq.

- Ta­ma­tu­ma pi­sin­naa­ti­ler­paa i­me­qar­fim­mi er­ngup il­lo­qar­fim­mi in­nut­taa­su­nit na­li­ngin­naa­su­mik a­tor­ne­qar­sin­naa­sun­ngor­sin­naa­ne­ra.

Aalisakkerivinnut aaqqiissutissaq

Naa­lak­ker­su­i­so­qar­fim­mit eq­qu­maf­fi­geq­qu­ne­qar­poq i­mer­mit a­tu­eq­qi­ler­sin­naa­ner­mi pi­ne­qan­ngim­ma­ta er­ngup aq­qu­ta­i i­ma­luun­niit i­mer­mut tankit i­nu­it nam­min­neq pi­gi­saat.

Tassa imermit atuilersinnaanermi erngup aqqutaa aamma imermut tankit pineqanngillat, taamaattumik imeq qorlortitsivimmit toqqaannartumik imerneqaqqusaanngilaq.Nukissiorfimmit ilungersuutigalugu sulissutigineqarpoq erngup, erngup aqqutaaneersup aamma imiisivinni tankineersup atorneqarsinnaalernissaa.

Nukissiorfinnit biilit imertaassuit atorlugit imermik pajuttarnissaq pillugu Avannaa Seafood aamma Royal Greenland maannakkut oqaloqatigineqarput, tassani siunertarineqarluni fabrikini taakkunani marlunni tulaassuinerup aallarteqqinneqarnissaa. Aaqqiissutissaq ataasinngornermi septembarip 30-ani tusarliunneqassasoq neiuutigineqarpoq.

Innuttaasut imeq maqinneqarsinnaasoq atorsinnaavaat uffarnerminnut, erruinerminnut aamma atisanik errorsinermut. Innuttaasut imermut tankiutillit imeq errortornermut, atisanik errorsinermut aamma eqqiaanermut atorsinnaavaat. Erngup illup iluani qorlorfia uuliamik mingutsitsineq ilisimaneqalermalli atorneqarsimanngippat, taava imeq atorneqannginnerani sivisulaartumik kuutseqqaarneqassaaq.