Vestnordisk rådip Juuntaamut eqqaaniutai
Aliasoqaluni Vestnordisk Råsip Jonathan Motzfeldtip toquneranik nalunaarut tiguvaa. Kalaallit Nunaata ernersuisa ilaat peeruppoq
Vestnordisk Råd imatut eqqaaniaavoq:
"Jonathan Motzfeldt politikerersuusimavoq, Kalaallit Nunaata siuttuisa annersaasa ilaat. Juuntaalli nunaminiinnaq pisortaanngilaq, aamma nunani tamalani pisortaavoq. Juuntaaq inuk alutornartuugami, nuannaartuugami silassorissuullunilu, isumaqatigiinniarnermi pisortaq malartitassaanngitsuugami oqaasissaminillu oqimaalutaallaqqilluartuugami nalunagu qaqugukkut pilliuteqartoqartariaqartoq Kalaallit Nunaata Nunallu avannarliit killiit killeqarfii qaangerujussuarlugit ataqqineqarpoq.
Juuntaap periarfissat tamaasa atorlugit Kalaallit Nunaata Nunallu avannarliit kiilliit isumaat soqutigisaallu nunat tamalaat katersuuffiini assigiinngitsuni nunanullu allanut saqqummiuttarpai.
Piginnaasat tamakkua ataqqinnitsitsiinnanngillat aammattaarli takuneqarsinnaallutik nammineq ikinnguterpassuaqarneratigut, Nunani avannarlerni killerni kiisalu nunani avannarlerni. Inuit ikinngutaalluartutut maqaasissavaat.
Jonathan Motzfeldt Vestnordisk Rådip pilersitsisuisa pisortaasalu pingaarnerpaat ilagaat. Amerlaqisutigut Savalimmiunik Islandimillu Kalaallit Nunaannik politikkikkut isinik ammaasitsivoq Kalaallit Nunaannullu nunanut avannarlernut allanut politikkikkut isinik ammaatitsilluni. Tamatuma kingunerisaanik nunat sorpassuartigut annertuumik suleqatigiilersimapput.
Taannaqanngitsuuppat Vestnordisk Råd ullumikkutut isikkoqassanngikkaluarpoq. Taassuma nalaani Rådi nunat taakkua pingasut inatsisartuini naammaginartumik suleqatigiiffioriarluni ineriartorsimavoq Råditut annertuutut, suleqatigiiffittut ilisimaneqartutullu, nunani avannarlerni suleqatigiinnerup saniatigut aamma nunarsuup immikkkoortuata tamassuma ataatsimut soqutigisaanik erseqqissaateqartartoq Nordisk Rådimik, issittumi inatsisartut suleqatigiiffianni Europaparlamentimillu suleqatigiinnikkut.
Juuntaap ikinngutaasa ikinngutaalluartoq inuulluaqquvaat, naalagaaffiup pisortami annersaasa ilaat inuulluaqquvgaa, nunat avannarliit killiit illersuisoq piumassuseqarluartorlu inuulluaqquvaat Nunallu Avannarliit naalagaaffiup nunarsuullu immikkoortuata pisortaa isumassarsiornartoq, Kalaallit Nunaanni nunanillu avannarlernik annertuumik ilikkartitsisoq, inuulluaqquvaat.
Vestnordisk Rådi sinnerlugu
Ólína ÞorvarðardóttirÞórður Þórarinsson
formandgeneralsekretær"