Nerisassat
Video Aallakaatitami ingerlatsisup puisip niaqua merianngunarigaa
Kalaallit Nunaannit puisit niaquinik nassiussarsiat juullimut ammartakkami 'DR3 lukker op'-mi aallakaatitami ingerlatsisumut meriangajatsitsilluinnarput.
DR3-p ammartagaata Naturhistorisk Museum Københavnimiittoq pulaarpaa. Tassani aallakaatitami aqutsisup puisinut arfernullu immikkut ilisimasallip Morten Tange Olsenip Nunatsinnit puisip niaquinik nassiussarsiaanik ammaaqatigalugu.
Natsit Kalaallit Nunaaniittut assigiinngitsut qanoq amerlatiginersut Morten Tange Olsenip ilisimatusarfigissavai.
Niaqullu nassiussarsiarineqartut aatseriarlugit ilisimatusarfigineqassallutik.
Aallakaatitaq uani takusinnaavat
Niaqup tipaa isikkualu isiginnaagassiap aqutsisuanut ingasappallaangajattut merianngulersitsitsisullu aallakaatitap naalernerani nassuerutigaa.
Morten Tange Olsenillu puisip isai peerniarlugit oqarmat iluaallatsitsigunarani.
- Misilillugu isai qaarlugit peersinnaavagut.
DR-p isiginnaagassiap immiunneqarnissaanut kalaallimik aqutsisilersimasuuguniuk pitsaanerusimasinnaagaluarpoq.