avissaarneq
Vittup aninera pillugu Kim nipangersimavoq
Vittus Qujaukitsup Siumumut ilaasortaajunnaarluni nalunaaruteqarneranut, Kim Kielsen oqaaseqarumanngilaq.
Vittus Qujaukitsup Siumumit aninera partiimi siulittaasup Kim Kielsenip oqaaseqarfigiumanngilaa.
Tamanna partiip allattaata Mikael Petersenip Sermitsiaq.AG-mut nalunaarutigaa. Partiimi allaffeqarfiup Vittus Qujaukitsup ilaasortaajunnaarluni nalunaarutaa suli tigunngilaa, taanna partiip Nuummi imikkoortoqarfiatigoortinneqarpoq.
Atuaruk: Vittus Qujaukitsoq Siumumut ilaasortaajunnaarpoq
Siumup juulip 27-anni ataatsimeersuarnerani Kim Kielsenip siulittaasunngorniunnermi qularnaatsumik 48-nit taaneqarluni Vittus Qujaukitsoq 16-nik taaneqartoq ajugaaffigaa.
Taasinerup kinguninngua Kim Kielsenip assani Vittus Qujaukitsumut isaappaa.
Atuaruk: Vittus Qujaukitsoq nutaamik partiiliornissaq ilimagaa
- Ilippanaateqarluarpoq. Ukiuni arlalinni qanimut suleqatigiinnikuuvugut, taanna Sermitsiaq.AG-mut ilaatigut taama oqarnikuuvoq.
Vittus Qujaukitsup nutaamik partiilioqataanissani ilimagisorujussuullugu Sermitsiaq.AG-mut oqaatigaa.