Vittus Qujaukitsup savalimmiormiut ministeriat ataatsimeeqatigaa
Oqaluuserisassarpassuaqarpq Naalakkersuisunut ilaasortap Vittus Qujaukitsup savalimmiormiu ministereqanni ataatsimeeqatigimmagu. Ilaatigut Kalaallit Nunaanni Savalimmiuni sulisartut ilarpassui suliffeqanngillat
Aningaasaqarnermut nunallu iluani pissutsinut Naalakkersuisup Vittus Qujaukitsup savalimmiuni ministereqanni Annika Olsen, isumaginninnermut kommuninullu tunngasunut ministeri, sisamanngormat ataatsimeeqatigaa.
Ataatsimiinnermi nunatsinni savalimmiunilu inuiaqatigiinni pissutsinik unammilligassanillu paasissutisseeqatigiittoqarpoq, pingaartumik kommuninut tunngasuni.
Vittus Qujaukitsup ilaatigut nassuiarpaa Kalaallit Nunaata pisortat aaqqissuussaanerat nalilersoqqileruttoraa, tamatunami ilanngullugu kommunit aaqqissuussaanerat, aammalu pingaartumik unammilligassaasoq nunaqarfinni mikinerusunilu illoqarfinnilu anginerusuni assigiissumik sullissinissap qulakkeernissaa. Ilanngullugu Kalaallit Nunaata utoqqarnut tunngasut qulaajaaffigileruttorpai. Tamatuma saniatugut Vittus Qujaukitsup paasissutissiissutigaa naatsorsuutigineqartoq pisortat suliassaat amerlanerusut kommuninut tunniunneqarumaartut.
Ataatsimiinnermi sammisat annertuut ilagaat Kalaallit Nunaata unammilligassaruussua, tassa sulisartut ilarpassuisa suliffeqannginnerat. Annika Olsen nassuiaavoq Savalimmiuni assigiissunik angisuunik unammilligassaqanngikkaluarto Savalimmiuni Inatsisartut siorna inatsit, sulinermik siuarsaanermik suliniutaasoq akuersissutigisimagaa, tamatumani anguniakkat pingaarnerit ilagalufu inuit ataavartumik suliffeqanngitsuussanngitsut.
Ministerit marluullutik ataatsimiinneq naammagisimaarpaat, tassa sammisarpassuit ilaanni ataatsimut soqutigisaqaramik, isumaqatigiippullu suleqatigiinnertik nukittorsarniarlugu.