Naalagaaffiup allanut attaveqarnera
Vittus Reykjavikkimi ambassadøritaarusuppoq
Vittus Qujaukitsoq naapertorlugu »Islandimi umiartortut tigummineqarnerannut suliami Danmarkip suliassat annikitsuinnaat kivippai«. Suliaq peqqutigalugu kalaallit Reykjavikimi allaffeqarlernissamik pisariaqartitsinerat erseqqissarneqartoq, isumaqarpoq.
Naalakkersuisut Islandimi kalaallit aallartitaqarfianik ammaarusupput. Taamaalilluni Kalaallit Nunaat Bruxellesimi, Washingtonimi Reykjavíkimilu aallartitaqalissaaq.
Kina kinguartinneqartoq
Kinami allaffeqalernissamik pilersaarutit kinguartikkallarneqarput.
Nunanut allanut tunngasunut Naalakkersuisoqarfiup naatsorsuineri malillugit Islandimi allattoqarfik 2,5 million koruuninik akeqassaaq, ilaatigut akissarsianut ingerlatsinermilu aningaasartuutinut. Ukiuni qulini tulliuttuni taamaattumik pilersitsineq 25 million koruuneqassaaq.
Nunanulli allanut tunngasunut Naalakkersuisuip Vittus Qujaukitsup (Siumut) naatsorsuutigaa tamanna Kalaallit Nunaannut annertuumik iluaqutissartaqassasoq. Aningaasatigut naalakkersuinikkullu. Tikkuarpaa Islandip Kalaallillu Nunaata akornanni attaveqarnerit ukiuni makkunani ataavartumik annertunerulerlutillu annertusarneqarsimasut.
Qanimut attaveqarsinnaaneq pisariaqarpoq
- Danmarkimi nunanut allanut ministereqarfiup innuttaasunut sullissinera Danmarkillu Reykjavikimi aallartitaqarfia kalaallit innuttaasut kiffartuunneqarneranni suliassamik kivitsisinnaasimanngillat; ilaatigut nutserisoqarnermut Kalaallillu Nunaanni ilaqutaasunut attaveqarnermi. Qitiusumik suliassat ikittuinnaat suliap uumap ingerlanerani Danmarkimi oqartussaasunit suliarineqarsimapput, Vittus Qujaukitsoq pilersaarutit pillugit saqqummiinissami allakkiami allappoq.
Linki toorlugu allaaserisaq AG aviisimi tamaat atuarsinnaavat: