Wæverip illua 3,5 millionilerlugu tuniniaraat
- Tuninera iluanaarutigissanngilara, Jørgen Wæver Johansen erseqqissaavoq. Sermitsiaq atuaruk.
Siumut sinnerlugu naalakkersuisunut ilaasortaasimasup Jørgen Wæver Johansen-ip Nuummi illuni marlunnik quleriilik tuniniarpaa, namminersornerullutik oqartussani pisortat illuinik akikilliliilluni aaqqissuussinermut assortuussutaasumut atatillugu 3,49 millioner koruunilerlugu pisiarisimasani. Siullermik pisiarineqarnerani akigitinneqartumit 2,8 millioner koruuninik akisuneruvoq.
Juni 2006-imi illu 730.000 koruunilerlugu Jørgen Wæver Johansen-ip pisiaraa, illunik tuniniaasarfinni nalinganit annikinnerungaatsiartumik akilerlugu, 1,5 millioner koruuninik naleqartussatut aalajangersarneqarsimasoq.
Taamani namminersornerullutik oqartussat malillugit illu annertuumik iluarsaanneqartussaavoq. Tamatumalu kinguneranik teknikikkut aningaasatigullu immikkut naliliineq malillugu qanoq akeqarnissaa naatsorsorneqarsimalluni, tassalu 678.500 koruuninik – tuniniaasarfinni nalinga nalinginnaasoq malinnagu.
Sermitsiami nr-10-mi allaaserisap sinnera atuaruk...