tuttunniarneq
WWF-i Enoksenimut isorinnippoq
Ukiaanerani piffinni assigiinngitsuni Aalisarnermut Piniarnermullu Naalakkersuisut Hans Enoksenip akuersissuteqareernerata kingorna Kalaallit Nunaanni WWF-ip sakkortuumi isornartorsiorpaa.
Ukiaanerani tuttunniarsinnaanerup piffiit nutaat pilersinneqarnerat piffinnilu tuttutassiissutit amerlineqarnerat ataasinngormat Naalakkersuisoqarfiup nassuiaateqarfigaa.
Naalakkersuisoqarfiup tusagassiuutinut nalunaarusiaanni politikkimut attuumassuteqartoq paasinarsivoq. Paasinarsivormi innuttaasut imalluunniit suliniaqatigiiffiit kommuunilluunniit pineqartut peqataasinneratigut aaliagiiffigineqarsimanngitsoq KNAPK-li kisimi aaliageeqataasimavoq. Naalakkersuisooqatigiinnissamik isumaqatigiissummut pitsaasumillu ingerlatseriaatsimut oqartussaaqataanermillu ileqqorissaarnermut akerliummat, Kalaallit Nunaanni WWF-imi suliamut ataqatigiissaarisoq Kaare Winther Hansen, Sermitsiaq.AG-mut taama oqarpoq.
Atuaruk: Tuttunniarnerup isornartorsiorneqarnera soqutigineqanngitsoq
- Piffimmi Akia/Maniitsumi pisassat amerlineqarnerannut atuutitsilernerlu atuisut ilisimasaannit pinngilaq, isertitaqarnerunissarli kissaatigineqarluni, Kaare Winther Hanseni taama isumaqarpoq.
Tupigusuppoq
Naalakkersuisoqarfiup nassuiaateqarnerminni Pinngortitaleriffik eqqaammassuk tupigusuutigaa.
- Pinngortitaleriffiup tusarniaanermut akissutaanni ukiaanerani tuttunniarsinnaanermut akerliuput piffiit ilaat tuttoqarpallaat eqqaassanngikkaanni, Kaare Winther Hansen taama oqarpoq.
Avaqqutaarinninneq
Tuttut piaqqineqanngitsut toqorassagaanni avaqqutaarinninnerusoq WWF isumaqarpoq.
- Uumasut salittuararsuupput neqikillutillu tunnukitsuararsuupput. Uumasorpassuit aamma uippakajaalersarput, WWF-imi sulisoq nassuiaavoq, ukioq mannalu tuttut aputeqarpallaarneranik inuuniapilooreersut piniartunit qaavatigut artukkerneqassanngitsut tikkuarlugu.
Atuaruk: Piffissaq kingulleq atorlugu ukiaanerani tuttunniartarneq allanngortinneqarpoq