17-inik ukiuli suli ujaarineqarpoq
Nukappiaraq 17-inik ukiulik sapaatip-akunnerata naanerani periarfeerunneqartoq oqartussat ataasinngornermi suli ujaaraat.
Assi: Oscar Scott Carl
17-inik ukiulik Abraham Eliassen Upernavimmi politii arfininngormalli ujaaraat.
17-inik ukiulik periarfeerunneqartoq arfininngormat ullaakkut nalunaarutigineqarpoq.
Ujaarineqartoq suli nassaarineqanngitsoq, ujaasinerlu ataasinngornermi nanginneqassasoq politiinit Preben Kleist ataasinngornermi ullaakkut oqarpoq.
- Upernavimmi innuttaasut quitik inoqannginnersut qulakkeerniarlugu alakkarsinnaavaat, Preben Kleist oqarpoq.
Abraham Eliassen Upernaviup umiarsualiviani kingullermik takuneqarpoq.
Ujaarineqartoq angutaavoq 17-inik ukiulik, 175-180cm akornanni angissusilik, qernertunik naatsunik nujalik, qenertumik/qasertumik qalipaatilimmik ilullilik qarleqarlunilu tungujortunik taartunik.
Takunnittoqarsimappat pisumulluunniit tunngatillugu ilisimannittoqarpat politiinut saaffiginninnissaq kaammattuutigineqarpoq.
