17-inik ukiulik eqqartuussivimmi sassartinneqartoq – aallaasersornermi takunnissimasut politiinut saaffiginneqquneqarput

Angut 17-inik ukiulik tallimanngornermi unnukkut eqqartuussivimmi sassartinneqarpoq, Nuup illoqarfiata ilaani Nuussuarmi aallaasersortoqarneranut atatillugu sassartinneqarluni.

Tallimanngornerup ullaassaani nalunaaqutaq 02.18 Nuummi politiit nalunaarfigineqarput Nuussuarmi aallaammik seqqorpallattoqarsimasoq. Pisumut tunngatillugu angut 17-inik ukiulik tallimanngornermi unnukkut sassartinneqarpoq. Politiinit tusagassiorfinnut taama nalunaaruteqarput.

Arnat inuusuttut marluk aallaasersortoqarnerani ikilerneqarsimapput.

- Innuttaasut Nuussuarmi aallaasersortoqarnerani takusaqarsimasinnaasut tusaasaqarsimasinnaasulluunniit, imaluunniit pisumi paasissutissanik ilisimasaqartut politiinut saaffiginneqqullugit kajumissaarneqarput, uunga 701448-mut, politiit allapput.

Kalaallit Nunaanni Politiit ilisimatitsipput, politiit pineqartumi allanik oqaaseqaateqarsinnaanngikkallartut.