NUUK CENTERIMI TILLINNIARNEQ
17-inik ukiulik pisiniarfissuarmi qalianit nakkarnermi kingorna ajoquserpoq
Pingasunngornerup unnuaani pinerluttut arlallit Nuuk Centerimiipput. 17-inik ukiulik napparsimmaviliaanneqarpoq.
Pingasunngornerup unnuaani politiit Nuuk Centerimi tillinniartoqarneranik nalunaarfigineqarput.
Assi: Leiff Josefsen
Inuusuttuaraq 17-inik ukiulik pingasunngornerup unnuaani politiinit Nuuk Centerip naqqani siumorneqareernermi kingorna Nuummi napparsimmaviliaanneqarpoq.
Nal. 02.36 politiit tillinniartoqarsimaneranik nalunaarfigineqarnertik pissutigalugu ornigussimasut, pigaartut pisortaat Jeppe Andsager Sermitsiamut oqarpoq.
Politiit apuukkamik inuusuttuaraq 17-inik ukiulik natermiittoq siumorpaat, politiillu naliliineri naapertorlugit qilaamit nakkarsimavoq.
Jeppe Andsagerip sisamanngornerup ullaavani inuusuttuaqqap qanoq innera sukumiisumik oqaatigisinnaanngilaa.
Pigaartut pisortaat oqarpoq Nuuk Centerimi pinerluttut arlallit qaliarpaatigut isersimasut, tassanilu angalaarsimasut, Jeppe Andsagerillu tamanna ulorianartorujussuunerarpaa.
Pisumut tunngasunik ilisimasallit tamarmik politiinut saaffiginnillaquneqarput uunga: 70 14 48.
