Aningaasaqarnermut Akileraartarnermullu Naalakkersuisup Erik Jensenip (S) 2025-mut aningaasanut inatsit pillugu Inatsisartuni partiinik isumaqatiginninniarnera kinguaattooqqavoq.
Naak Inatsisartut aningaasanut inatsisissatut siunnersuut novembarip aqqarngani siullertut aappassaaneertussaagaluaraat, aningaasanut inatsisissatut siunnersuutip akuerineqarnissaata 2025-mut kinguartinneqarnissaanik Aningaasaqarnermut Akileraartarnermullu Ataatsimiititaliaq Naalakkersuisunut qinnuteqarpoq.
Aningaasaqarnermut Akileraartarnermullu Naalakkersuisup Erik Jensenip (S) 2025-mut aningaasanut inatsit pillugu Inatsisartuni partiinik isumaqatiginninniarnera kinguaattooqqavoq.
Naak Inatsisartut aningaasanut inatsisissatut siunnersuut novembarip aqqarngani siullertut aappassaaneertussaagaluaraat, aningaasanut inatsisissatut siunnersuutip akuerineqarnissaata 2025-mut kinguartinneqarnissaanik Aningaasaqarnermut Akileraartarnermullu Ataatsimiititaliaq Naalakkersuisunut qinnuteqarpoq.
Inatsisartut Naalakkersuisullu pillugit inatsisartunut inatsimmi paragraf 15 naapertorlugu qaammatisiutit malillugit ukioq akileraarfiusoq sioqqullugu novembarip 15-iat sioqqullugu 2025-mut aningaasanut inatsit akuersissutigineqartussaagaluarpoq.
”Aningaasanut inatsisissatut siunnersuutip isumaqatiginninniutigineqarnissaanut piffissaqarnerunissaq pisariaqarpoq. Taamaattumik Naalakkersuisut 2025-mut aningaasanut inatsisip akuerineqarnissaanut killigititap kinguartinneqarnissaa pillugu siunnersuummik saqqummiussissasut Aningaasaqarnermut Akileraartarnermullu Ataatsimiititaliap qinnuigai. Tamatumali nassatarisaanik piffissaliussat allat aamma sivitsorneqartariaqarput: ”, aningaasaqarnermut akileraartarnermullu naalakkersuisup Erik Jensenip (S) siunnersuummut oqaaseqaataani allassimavoq. Tamanna aamma isumaqarpoq nuna tamakkerlugu akileraarutip aamma nuna tamakkerlugu immikkut akileraarutip ilanngaatigineqartarnerat kinguartinneqarumaartoq.
Illuatungiliuttut isumaqatiginninniarnissamut qaaqqusaanissaq utaqqivaat
- Suli isumaqatiginninniarnerni peqataavugut, Demokraatit siulittaasuat Jens-Frederik Nielsen aamma Atassut sinnerlugu Bentiaraq Ottosen allapput.
Naleqqap siulittaasua Pele Broberg aningaasaqarnermut akileraartarnermullu naalakkersuisumut Erik Jensenimut (S) arlaleriarluni aqqusaartarsimavoq, isumaqatiginninniarnissanulli qaaqqusissut suli utaqqivaa, isumaqatiginninniarnernilu suli peqataanerlutik naluaa.
- Naleraq arlaleriarluni Erik Jensenimut aqqusaartarsimagaluarpoq, ajoraluartumilli kingullermik oqarfigineqarpugut isumaqatigiinniarnerunngitsoq. Qaaqqusissutip tulliani aatsaat isumaqatigiinniartoqassasoq. Naluara tamanna isumaqarnersoq Naleqqamit “ajunngitsunik tamanik” kisimi piumasaqarnersut, tullianimi piviusunngortitsinavianngimmata (soorlu siuliini taamaattartut). Taamaattumik isumaqatigiinniarnissamut qaaqqusissut siulleq suli utaqqivarput. Naluaralu ulloq kingulleq qaangerneqarmat uagutsinnut Naalakkersuisumit isumaqatigiinniartoqassanersoq.
Aningaasarsianit akileraarutit pillugit kingusinnerusukkut inissiisoqassasoq
” 2025-mut nuna tamakkerlugu akileraarutip qaammatisiutit malillugit ukioq akileraarfiusoq sioqqullugu kingusinnerpaamik novembarip 22-ani akuersissutigineqarnissaa siunnersuutigineqarpoq. Taamaaliornikkut Aningaasarsianit akileraarutit pillugit Inatsisartut inatsisaanni § 61-ip, imm. 2-mi, piffissaliussaq atuuttoq (15. november) avaqqunneqassaaq.”
Kommunalbestyrelsit ukiunut aggersunut missingersuutinik akuersinissaannut kommunimullu akileraarutinik aalajangersaanissaanut killigititat siunnersuummit kalluarneqanngillat. Tamatumunnga pissutaavoq ulloq decembarip aallaqqaataat tamatumunnga killigititaanera.
Aamma oqaaseqaammi allassimavoq 2025-mut aningaasanut inatsisip akuersissutigineqarnissaanik kinguartitsineq inuussutissarsiortunut pisortanullu aningaasaqarnikkut allaffissornikkullu sunniuteqarnissaa naatsorsuutigineqanngitsoq.
