26-nik ukiulik aalakoorluni aallaasersortoq tigusarineqarpoq

Politiit Kangaatsiami aallaasersortoqarneranik pingasunngornermi unnukkut nalunaaqutaq 22.53 nalunaarfigineqarput.

Pigaartut pisortaat Preben Kleist taama oqarpoq.

Aasianni politiit illoqarfimmut aallartinneqartut illoqarfimmilu kommunefogedit sulilersinneqarsimasut oqarpoq.

Angut aalakoorluni illoqarfimmi aallaasersortoq nalunaarutigineqarpoq.

Politiit pigaartuisa pisortaata oqarneratut qujanartumik ajoqusertoqanngilaq, nalunaaqutarlu 04.48 politiit angut 26-nik ukiulik pinerliisutut pasisaq pissanganartorsiorfiunngitsumik tigusaraat.

Politiit suliaq maanna misissorpaat, ullaap tungaanilu inatsisilerinermut immikkoortortaqarfimmut ingerlateqqinneqassaaq, angut 26-nik ukiulik inatsisit tunngaviusut naapertorlugit killisiorneqassaneroq iperagaassanersorluunniit tassani aalajangerneqassalluni.