32-nik ukiulik sassaalliisartup tunuatigut kapineranut piffissaligaanngitsumik parnaarussassanngortinneqartoq

Angut 32-nik ukiulik savimmik kapisisimasutut piffissaligaanngitsumik paarnaarussassanngorlugu tallimanngornermi pineqaatissinneqarpoq.

Kalaallit Nunaanni Politiit tusagassiuutitigut nalunaarummi allapput.

Eqqartuussineq Eqqartuussisoqarfik Sermersuumi ingerlanneqarpoq, pisimasorlu 2024-mi juunip 30-ani pivoq.

Angut 32-nik ukiulik Pup Nuanimiit anisitaagami sassaalliisartumut paarsisumullu akerliusimavoq.

Taakku pingasut imerniartarfiup silataani eqqissiviilliorlutik aallartipput, angutillu 32-nik ukiullip savik qitequmminiittoq amoriarlugu sassaalliisartoq tunuatigut kapivaa.

Angut 32-nik ukiulik taamanili tigummigallarneqalerpoq, nakorsaniillu arlalinnit misissorneqarnerani ulorianartuusoq nalilerneqarsimalluni.

Suliaq ilungersunartorujussuusoq Kalaallit Nunaanni Politiini unnerluussisussaatitaasoq Line Pedersen oqarpoq:

- Piumasara malillugu eqqartuussiviup angut 32-nik ukiulik piffissaligaanngitsumik paarnaarussassanngorlugu aalajangerpaa. Taassuma inuit allat inuunerannut ulorianartorsiortitsisinnaanera eqqartuussisut maluginiarpaat, Line Pedersen oqarpoq.

32-nik ukiulik pisuunnginnerarpoq eqqartuussullu Nunatta Eqqartuussisuuneqarfianut suliareqqitassanngortillugu.