36,2 million koruunit Danmarkimi kalaallit inatsisitigut illersugaanissaannut ikorfartorneqarnissaanullu atorneqassapput

Atlantikup Avannaani aningaasaateqarfik suliniutinut qulinut, kalaallit Danmarkimi atugaannik inatsisitigullu toqqissisimanerannik nukittorsaasussanut, katillugit 36,2 millionit koruuninik aningaasaliissuteqarpoq.

 Aningaasat piffissami 2025-miit 2029-mut agguataarneqarput, ilaatigut aningaasaliissutissat qulequttanut quliusunut, soorlu sianissutsikkut peqqissuunermut, Danmarkimi kalaaleqatitsinnik ammip qalipaataanik tunngaveqartumik immikkoortitsinerup akiorniarnissaanut, piorsarsimassutsikkut inerisaanissamut aammalu sakkortusisamik inatsisitigut illersugaanissamut.

Immikkut ilinniangalinnik angalaaqatigiittartartussanik, inatsisitigut isumaginnginnikkullu annertusisamik pikkoriffilinnik kalaallit Danmarkimiittunut siunnersuisinnaallutillu ikorfartuisinnaasunik atuinissamut  8,0 millionit koruunit illikartinneqarput.

- Angalaaqatigiit taakku immikkut annertusisamik danskit ingerlatseriaasiannik nunatsinnilu pissutsinik ilisimannilluartunik, tassanilu piorsarsimassutsikkut oqaatsitigut pisinnaatitaaffinnillu ilisimannilluartunik, pikkoriffilinnik. Iliuuseriniakkap siunertaraa kalaallit Danmarkimi innuttaasut Danmarkimilu pisortaqarfiit akornanni qaninnerulersitsinissaq, aammalu inunnut ataasiakkaanut ikorfartuinissaq pisortaqarfinnilu kalaallinut sammisumik suliaqarnerminni paasinninnerulernissaq, Aki-Matilda Høegh-Dam oqarpoq.

Ilanngullugu oqaatigaa angalaaqatigiit qulakkeerniassagaat kalaallit pisinnaatitaaffimminnik ilisimasaqarnerulernissaat, ammit qalipaataanik immikkoortitsinerup millisinneqarnissaa qulakkeerlugulu tamakkiinerusumik iliuuseqarnissaq uku aqqutingalugit:

• Kalaallinut siunnersuineq ikorfartuinerlu Danmarkimi pisortaqarfinnik naapitsigaangamik
• Pisortaqarfinnilu (tassanilu aamma kommuunini) kukkusinnaanerit annikillisinniarlugit pissutitsinnut siunnersuinikkut.
• Inuit nunallu inoqqaavisa pisinnaatitaaffiinut naapertuuttumik aqqiissutissanik ineriartortitsinermi

Kalaallit atugaasa misissorneqarnissaannut aningaasaliissutit

Kalaallit innuttaasutut Danmarkimi pisortaqarfinni naapitsisarnerminni unamminartortaanik, 1,0 millionit koruunit misissuinissamut qulakkeerneqarput.

- Misissuinerup aporfiusinnaasut assersuutingalugu, oqaatsinut, piorsarsimassuseq tunngavingalugu paasinnissinnaaneq aammalu immikkoortitaasinnaaneq aqqutingalugu inatsisitigut illersungaanerup oqimaaqatigiinngilersinnaanera qulaajassavaa.

Aallutissavaattaaq aamma qanoq ilillutik danskit pisortaqarfiisa kalaallinut Danmarkimi kiffartuussilluarnerulersinnaaneri, tassanilu inissarsiornermi, suliffissarsiornermi ilinniagassarsiornermiluunniit sukkanerusumik qulakkeerinnissinnaaneq, Aki-Matilda Høegh-Dam oqarpoq.

Ilanngullugu allaaseraa siornatigut nalunaarusiat tunngavigalugit misissuisoqassasoq, ilaatigut Justitiap nalunaarusiaa 2023-meersoq ikorfartuisuullunilu tigussaasumik kalaallinut inatsisitigut illersungaaneranik ilisimasaqarnerulerneq.

- Pingaarutilik alla tassaavoq politiinngorniarnermi isertitsivimmilu nakkutilliisutut kalaallisut ilinniuteqalernissamut aningaasaliinissaq.