'Aaqqissuussaaneq' nunatsinnut qanoq tulluarsarneqarsinnaava?

Politikerit politikkikkut aaqqissuussaanerup kingornussatta Kalaallit Nunaanni pissutsinut naleqqussartariaqarnera eqqartortuarpaat.

Maannakkut tamanna pillugu aamma ilisimatusartoqarpoq, atorfilittaasimasup maannalu ilisimatusartup Najaaraq Demant-Poortip tamnnarpiaq misissorpaa, taanna Arctic Hubimut Kalaallit Nunaanni Issittumilu ilisimatusarnermik ilisimasanik siammarterisumut oqaluttuarpoq.

Najaaraq Demant-Poort ph.d.-nngorniarluni allaaserisaqarpoq Ilisimatusarfimmilu lektoriulluni, aammali Namminersorlutik Oqartussani ukiuni qulini sulisimavoq.

Politikkikkut aaqqissuussaaneq Danmarkimit kingornussaammat innuttaasut taassuminnga tatiginnikkunnaarsimasut, taassuma misigisimavaa:

- Pissutsit allarujussuit

- Skandiaviami periuserineqartoq nunani allani malinneqarpoq ilaatigullu qaffasissumik atugarissaarneq, inuuneq pitsaassuseqarluartoq aalaakkaasumik aningaasaqarneq tusaamasaassutigalugit. Taakku tatiginnilluartoqarneranut amerlasuunit pissutaanerarneqartarput. Maanili nunatsinni pissutsit allarluinnaapput, taanna Arctic Hubimut oqarpoq imalu nangilluni:

- Maani pisortaqarfiit nunasiaatinngorsarneqarnikkut kingornussimavavut, Skandinaviamili nunani allanisulli ingerlasussatut ingerlappavut.

Ajornartorsiutinut aalajangersimasunut tunngatillugu Najaaraq Demant-Poortip pisortat ingerlatsivii alliartornissaat kissaatigineqanngikkaluartoq alliartortuartut, innuttaasut pisortanut akiitsui amerliartorput, aamma innuttaasut inatsisinik suliassaqarfiit ilaanni malinninngimmata nakkutilliinernik amerliartuinnartunik atulersitsisoqartartoq.

Ilisimatusartup suli oqaatigisinnaanngilaa innuttaasut aaqqissuussinerillu akornanni tatiginninnerunissaq anguniarlugu qanoq allannguisoqartariaqarnersoq, oqarporli ”toqqissisimaneq aaqqisuussaanerullu tatiginissaat pingaaruteqarpoq, tamannalu misissuininni sammivara.”