Aasianni aallaasersortoqarnerata kingorna aalakoortoq tigusarineqartoq
Kalaallit Nunaanni Politiit tallimanngornermi aggustip qulingiluaani nalunaaqutaq 19.39 Aasianni inuk aalakoortup siooranarnera pillugu nalunaarfigineqarput. Politiit nalunaarutaat naapertorlugu marloriarluni aallaammik seqqortoqarpoq, inunnilli ajoqusertoqarani.
Politi
Foto: Leiff Josefsen
Inuk Aasianni igalaakkut marloriarluni aallaammik seqqornerata kingorna politiinit tigusarineqarpoq.
- Aalakoortumik inuunermi qatsussisumik tallimanngornermi unnukkut nalunaqutaq 19.39 nalunaarfigineqarpugut. Pineqartoq igalaakkut marloriarluni aallaammik seqqorpoq. Inunnik navianartorsiortitsisoqanngilaq, inummillu ajoqusertoqarani. Politiit pisumut ornigupput aallaammillu seqqortoq tigusaralugu, Kalaallit Nunaanni Politiit pigaartuisa pisortaat Jeppe Andsager Sermitsiamut paasissutissiivoq.
Inuk aallaammik seqqortoq tigummigallarneqarpoq killisiorneqassallunilu. Politiit pisumut unnerluutiginiarpaat.
