LONDON MININGIP NAMMINERSORLUTIK OQARTUSSAT EQQARTUUSSIVIMMUT SULIASSANNGORTIKKAI
Aatsitassarsiornissamut
akuersissut imaluunniit
20 millionit koruuninik
taarsiissuteqarneq
London Mining Greenlandip Namminersorlutik
Oqartussat eqqartuussivimmut suliassanngortippai
Isukasianut piiaanissamut akuersissummik
unioqqutitsilluni atortuunngitsumillu
arsaarneqarsimanertik pissutigalugu. Ingerlatseqatigiiffiup
akuersissummik utertitsiffigineqarnissani
piumasaraa. Pissarsiarisinnaanngikkunikku 20
millionit koruuninik taarsiiffigineqarnissartik aamma
kontomi isumannaallisaanermut atugassarititaasut
tunniunneqarnissaat piumasaraat.
London Mining Greenland blev i november 2021 bedt om at tilbagelevere deres udnyttelsestilladelse ved Isukasia med henvisning til manglende fremdrift i projektet. Det førte året efter til en stævning fra selskabet og krav om at få licensen tilbage eller alternativt 20 millioner kroner i erstatning.
Poul Krarup
Kinamiut suliffeqarfiutaata London Mining Greenlandip Namminersorlutik Oqartussat eqqartuussivimmut suliassanngortippai, isumaqaramik oqartussat 2021-mi piiaanissamut akuersissummik arsaarinnissimanerat inatsisinik unioqqutitsinerusoq, atuutinngitsoq aamma aqutsinermut inatsisit tunngaviusut isumaqatigiissutillu tunngavigalugit pisussaaffiit unioqqutinneqarsimasut.
Suliffeqarfiup eqqartuussivimmut suliassanngortitsinerani Nuna Advokaterimit aamma Horten Advokatpartnerskabimit suliarineqartumi kiisalu aatsitassanut oqartussaasut akissutaanni Kammeradvokat Poul Schmithimit suliarineqartumi, tamanna takuneqarsinnaavoq.
PISARTAGAQARTUNUT
Allaaserisaq una Nutaarsiassaqartitsivimmi aviisit naqitat
ilaanni allaaserisaavoq.
Allaaserisat pisartagaqartunit siunissami taamaallaat
atuarneqarsinnaajumaassapput.
Atuarluarna.
Ingerlatseqatigiiffiup piiaanissamut aamma matusinissamut pilersaarut eqqartuussivimmi aalajangiinermit qaammatit 18-it iluanni tunniunneqarpata atuuttariaqartoq aamma attanneqartariaqartoq, ingerlatseqatigiiffik isumaqarpoq. Aammattaaq ilalerneqanngikkunik 20.639.127 koruuninik taarsiiffigineqarnissamik kiisalu ingerlatseqatigiiffiup kontomi isumannaallisaanermut atugassarititaasunut akilersimasat 6 millionit koruunit tunniunneqarnissaannik piumasaqarniarput.
Piumasaqarneq oqartussanit itigartinneqarpoq
London Mining Greenlandip piumasaqaatai oqartussanit itigartinneqarput, taakkualu akissuteqaammi pinngitsuutinneqarnissartik imaluunniit allaffissornikkut suliarineqaqqittussanngorlugit piumasaqarput.
20.639.127 koruuninik taarsiissuteqarnissamut tunngatillugu kiisalu isumannaallisaanermut aningaasat tunniunneqarnissaat piumasarineqarnerat itigartinneqarnissaat pinngitsuutinneqarnissartillu piumasaraat.
London Mining Greenland oktobarimi 2013-imi Isukasiani saviminissamik piiaaffimmik pilersitsinissamut ukiuni 30-ni atuuttussamik akuersissummik pissarsivoq.
Taamanili tuluit suliffeqarfi utaata piiaaffimmik pilersitsinissamut aningaasanik pisariaqartunik – 13 milliarder koruunit missaanniittunik – pissarsisinnaanngilaq, ukiullu tulliani tuluit piiaanissamut akuersissut Luckford View Limitedimut, Kinami saviminermik aamarsuarnillu eqqussuisuni annerpaap General Nice Group Holdingip ataaniittumut tunniuppaat.
Akiliinngitsut
London Mining Greenlandimut piffi ssaliussaq sivitsorneqaqqissanngitsoq Naalakkersuisut aalajangersimallutik 2021-mi novembarimi tusagassiuutinut nalunaaruteqarput, taamaattumillu Isukasiani piiaanissamut akuersissut utertinneqartoq.
Naalakkersuisut oqarnerat naapertorlugu ingerlatseqatigiiffi k siornatigut pingasoriarluni piffi ssamut killigititanik sivitsueqqissimavoq, kisianni sisamassaanik piffi ssamut killigititanik sivitsuinissamut qinnuteqarnermut atatillugu Naalakkersuisut itigartitsipput, suliassami maannamut piiaanissamut matusinissamullu pilersaarummut tunngatillugu siumut ingerlasoqannginnera kiisalu pisinnaatitsissummik pigisaqartup qularnaveeqqusiinermut kontumut 1,5 millionit koruuninik akiliisimannginnera tunngavigalugu itigartitsinissaq pillugu aalajangiineq pivoq. Tamatuma saniatigut sumiiffi mmi akuersissuteqarfi usumi ingerlatseqatigiiffi k inaarutaasumik saliisussanngortinneqarpoq.
Namminersorlutik Oqartussat akissuteqaataani atuarneqarsinnaavoq London Mining Greenland arlaleriarluni qinnuigineqarsimasoq 7,5 million koruuninik qulakkeerinermut kontomut akiliuteqaqqullugu, taamaallaat 6 million koruuninik akiliuteqarsimallutik. Namminersorlutik Oqartussat tikkuarpaat sumiiffimmi saliisoqarsinnaaniassammat qulakkeerinninneq tunniunneqartoq, aningaasartuutissallu 9 million koruunit sinnerlugit naleqartussaasut missiliorneqartoq.
»London Mining Greenlandip qularnaveeqqutaa tamatumannga ikinneruvoq, taamaattumillu ilimagisariaqarparput akuersissutigineqartumi saliinermut tamakkiisumik atorneqarumaartoq. Tassunga atatillugu maluginiarneqarpoq Naalakkersuisut 19. november 2021-mi aalajangerneranni allassimaneratut LMG-p isumannaallisaanermut toqqorsivimmut 1,5 million koruunit ikippallaartut akilerai. Aningaasanik toqqorsivimmut tunngatillugu suli pisussaaffeqartoqarmat, LMG-p aningaasat toqqorsivimmut taakku piumasinnaanngilai, akerlianilli taakkununnga akiliuteqartarsimanngilaq.«
Eqqartuussivimmut suliassanngortitsinermut akissuteqaammi aamma suliaq sukumiisumik sammineqarpoq, illuatungeriillu oqaloqatigiinnerat ajornakusoortoq erseqqinngitsortaqartoq, kinguartitsisoqartarlunilu akiligassat akiitsut akilerneqarneq ajortut ersersinneqarput.
Kalaallit Nunaanni Eqqartuussiviup Sermitsiamut ilisimatitsissutigaa suliaq allakkatigut suli piareersarneqartoq, ullorli eqqartuussiffi ssaq 13.-24. januaari 2025-mi (ulluni eqqartuussiffi usuni qulini) aalajangerneqareerpoq.