Air Greenland Qaqortumut timmisartumik billitsinik tuniniaasoq

Kalaallit Nunaanni mittarfissat sanaartorneqaleruttorput, Air Greenlandillu Qaqortumi mittarfissamut billetsit siulliit tuninialeruttorlugit.

Nuummiit Qaqortumut toqqaannartumik timmisartuussinerit apriilip 16-iani 2026-miit inniminnerneqarsinnaalersimapput.

Narsarsuarmut Narsarsuarmiillu qulimiguulimmik timmisartuussineq kingulleq apriilip 15-ianni pissaaq. Qaqortumi mittarfissat ammarpat mittarfitoqanngortussaq qulimiguulinnut mittarfittut atorneqalissaaq.

Mittarfissap pisortatigoortumik ammaanersiornissaa Greenland Airportsimit pisortatigoortumik suli nalunaarutigineqanngilaq. Greenland Airportsip qaqugu ammaanissamut ullut aalajangersimasut suli inissinngilai.

Qaqortumi mittarfiliornerup qanoq ingerlanera pillugu Greenland Airports Facebookikkut saqqummiussivoq, tassani 2026-p qiteqqunnerani, tassa apriilip juunillu akornanni, ammarnissaa naatsorsuutigineqartoq atuarneqarsinnaavoq.

Mittarfissap nutaap qaqortunik titarnilersorneqarsimanera aamma takuneqarsinnaavoq.