KL

DK

Ajunaalernermik kalerrisaarut takuneqartoq

Qaqortumi ajunaalernermik kalerrisaarut arfininngornermi unnukkut takuneqarpoq, Nuummilu aamma ajunaalernermik kalerrisaarummut assingusumik takunnittoqarluni.

Thomas Munk Veirum
Journalist
Saqqummersinneqarpoq

Politiit arfininngormat unnukkut nalunaaqutaq 20.36 Qaqortup eqqaani ajunaalernermi kalerrisaarummik takunnittoqarneranik kalerrinneqarput.

Politiilli pisumut tunngatillugu paasissutissaateqanngillat, umiatsiamik sulisunillu sumiiffimmut ornigutsitsisinnaasimanngillat.

Aamma maqaasineqartunik nalunaarutiginnittoqanngilaq: 

- Sumiiffimmi tamaani maqaasisaqartoqarpat tusarusuttorujussuussavarput, pisortaat Jeppe Andsager Sermitsiamut oqarpoq.

Politiit nalunaaqutaq 22.52 assingusumik kalerrinneqarput, tassani politiit arlalinnit Nuup eqqaani Akiani ajunaalernermi kalerrisaarummut assingusumik takusaqartoqarneranik kalerrinneqarlutik. 

Qaamasoq oqaatigineqarpoq, ajunaalernermi kalerrisaarummit sungaarpalunnerusoq, taamaalilluni qummoroortartuusinnaalluni, kisianni ajunaalernermi kalerrisaarutaasinnaalluarluni, pigaartut pisortaat oqarpoq.

Politiit angallatiminnik sumiiffimmi misissuisimapput paasisaqaratilli, tamatumanili aamma inunnik maqaasineqartunik nalunaaruteqartoqarani. Politiit aamma tamatumunnga atatillugu maqaasisaqartoqarpat tusarusulluinnarpaat. .

Politiit oqarasuaataannut sianersinnaavutit uunga: 70 14 48. 

inuiaqatigiit

ATORFIIT Se alle jobs

Powered by Labrador CMS