Amerikamiut aallartitaqarfiata saavani Københavnimi Østerbromi
tapersersuilluni sapaammi isummanik nittarsaassisoqarmat,
erfalasorput takussaaqaaq.
Inuiannut Kalaallinut tapersersuinermik
takutitsinissaq siunertaavoq, aaqqissuussinerlu innuttaasunit
aaqqissuunneqartoq taaguuteqarluni "Hands off Kalaallit Nunaat"
(Kalaallit Nunaat attornagu).
Amerikamiut aallartitaqarfiata saavani Københavnimi Østerbromi
tapersersuilluni sapaammi isummanik nittarsaassisoqarmat,
erfalasorput takussaaqaaq.
Inuiannut Kalaallinut tapersersuinermik
takutitsinissaq siunertaavoq, aaqqissuussinerlu innuttaasunit
aaqqissuunneqartoq taaguuteqarluni "Hands off Kalaallit Nunaat"
(Kalaallit Nunaat attornagu).
Malia Pipaluk,
Københavnimi isummanik nittarsaassinermik aaqqissueqataasoq
naliliivoq, inuit 800-t missaanniittut isummanik nittarsaassinermi
peqataasut.
- Nunatsinni
innuttaasunut tapersersuinitsinnik ersersitsiniarpugut,
naggueqatigiit Inuit oqalugiarneri nipilersornerillu qitiutillugit.
Trumpip naalakkersuisuinut erseqqissaatigissallugu pingaaruteqarmat,
Trumpip Nunatsinnik tigusarinninnissaminik pilersaarutai
akuersaanngilluinnarivut, Malia Pipaluk oqarpoq.
Tusarnaartitsisartut oqalugiartartullu amerlasuut aallartitaqarfiup saavani taallanik atuarlutik, oqalugiarlutik, erinarsorlutik isiginnaartitsissutinnguanilluunniit isiginnaartitsipput.
Assi: Julia Aka Wille
Iluatsilluartoq
Akerliussutsimik
takutitsineq tamanna piffissami kingullermi Nunatsinni Danmarkimilu
akerliussutsimik takutitsinerpassuit ilaannaraat, tamannalu Nunatta
navianartorsiortinneqarneranut akerliussutsimik takutitsisarnerit
ingerlateqqinneqarnerannut ilisarnaataalluni.
Eqqumiitsuliortut oqalugiartussallu amerlasuut aallartitaqarfiup
saavani taallanik atuarlutik oqalugiarlutik, erinarsorlutik
isiginnaartitsillutilluunniit saqqummertarput. Naak isummanik
nittarsaassinerup nalaani anori nilleraluartoq iluatsilluaqaaq, Malia
Pipaluk oqaluttuarpoq.
Qiianaraluartoq nuannersumik ingerlanneqarpoq. Inuit
erinarsoqataasarput amerlasuullu oqalugiaatit
killinneqaatigilluartarpaat, oqarpoq.
USA-mi Trumpimut
akerlilersuineq
Københavnimi
akerliussutsimik takutitsisut tassaaginnanngillat sapaatip akunnerata
naanerani kingullermi Trumpimut akerliussutsimik takutitsisuni
kisiartaasut. Københavnimi oqaasinnaarineqartoq „Attornata“
aamma oqaasinnaaralugu Amerikamiut tusindilikkaat
assigiinngitsorpassuarnut tunngasunut akerliussutsiminnik
takutitsisut ilaatigut ministeriaqarfinnik ingerlatsivinnillu
sipaarniuteqarnernut, Elon Muskip Amerikami naalakkersuisunut
sunniuteqarneranut, nunasisunik aallarartitsinernut,
inunnguuserinngisaminnik suiaassusillit pisinnaatitaaffiinik
illersuinerminnik isummmaminnik nittarsaassillutik takutitsipput.
USA-mi tusagassiuutit arlallit oqaatigaat, Trumpip præsidentitut
qinigaaqqinneraniilli akerlilersuineq aatsaat taama annertutigaaq.
