Akerliussutsimik takutitsisoq manninnik milloortoq tigusarineqarpoq
Aalisarnermut inatsimmut ikummatissallu akitsoraluttuinnarneranut akerliussutsimik takutitsinermi inuk ataaseq tigusarineqarpoq.
Nuummi akerliussutsimik takutitsisut ilaat politiinit tigusarineqarpoq.
Leiff Josefsen
Aalisartut piniartullu
kattuffiat KNAPK Nuummi akerliussutsimik sisamanngornermi
takutitsivoq.
Akerliussutsimik
takutitsinerup nalaani inuk ataaseq mannimmik milloorsimasutut
tigusarineqartoq
Kalaallit Nunaanni
politiit nalunaarput.
Akerliussutsimik
takutitsisoq eqqissisimasumik aaqqissuussinermut unioqqutitsinertut
unnerluutigineqartoq killisiorneqareernermilu iperagaasimasoq
Politiinit Anette Ostenfeldt oqaluttuarpoq
Akiligassinneqassasoq
KNAPK-p Nuummi, Maniitsumi
Nanortalimmilu akerliussutsimik takutitsisoqarnissaa nalunaarutigaa.
Maniitsumi
akerliussutsimik takutitsinissaq taamaatiinnarneqarpoq Nanortalimmili
akerliussutsimik takutitsinissamut inuit 30-t missaanniittut
takkupput.
- Eqqissilluinnartumik
ingerlavoq, Anette Ostenfeldt oqarpoq.
KNAPK-p ikummatissap
akitsoraluttuinnarneranut aalisarnermullu inatsisissatut siunnersuut
nutaaq Inatsisartuni sisamanngornermi siullermeerneqartoq
akerliussutsimik takutitsiffigaa.