Aki-Matilda Naleraq sinnerlugu Inatsisartunut qinigassanngortippoq
Folketingimut ilaasortaq Aki-Matilda Høegh-Dam sapaatip akunnerata naanerani eqqarsaqqaareerluni Naleqqamut ilaasortanngussalluni aalajangerpoq. Inatsisartunut aamma qinigassanngortippoq.
Aki-Matilda Høegh-Dam.
Assi: Leiff Josefsen
Aki-Matilda Høegh-Dam maanna Naleqqami ilaasortanngorpoq Inatsisartunullu qinigassanngortilluni.
Naleraq ataasinngornermi ualikkut naatsumik tusagassiuutinut taama nalunaaruteqarpoq.
Aki-Matilda Høegh-Dam Siumut sinnerlugu Folketingimut ilaasortaavoq, Siumulli pingaarnertut anguniagaanut suleqataasinnaajunnaarnini pissutigalugu sapaatip akunnerata siuliani tallimanngonermi partiimit aniniarluni aalajangerpoq.
Naleqqap pingaarnertut anguniagai tallimat, inuit attaveqaqatigiittarfiini saqqummiunneqartut, suleqataaffigineqassappata kinaluunniit partiimut tikilluaqqusaasoq Naleqqap siulittaasua Pele Broberg Sermitsiamut ilisimatitsivoq.
Inatsisartunut qinigassanngortittoq
Qinersisartut Inatsisartunut qinersilerpata Aki-Matilda Høegh-Damip aqqa Naleqqap ataani takuneqarsinnaassaaq. Naleqqap Høegh-Damip Folketingimi sulinera tapersersorlugu aamma nalunaarutigaa:
- Folketingimi sulilluarneranut tamakkiisumik tapersiivugut allanngortoqarnissaanillu takorluugaqarnata.
