KL

DK

Akileraartarnermut Aqutsisoqarfik: Aningaasat ilisimaneqanngitsunit tunissutitut pissarsiat nalunaarutigineqassapput

Marlunngornermi tusagassiuutit arlallit oqaluttuarput, Nuummi amerikamiut dollarinik nasaaqqanillu teqqialinnik agguaasoqarsimasoq. Aqutsisoqarfimmi pisortaq Kim Neumann Nielsen erseqqissaavoq meeqqanut aningaasarsianik tunineqarsimasunut angajoqqaat meeqqatik ikiorlugit aningaasaqarnermut aqutsisoqarfimmut nalunaarutigissagaat.

Jakob Nordstrømip ernera aqqanilinnik ukiulik atuarfimmiit angerlarami 100 dollarsimik nassarpoq. Tamanna killissamik qaangiineruvoq, ataataasoq Jakob Nordstrøm oqarpoq.
Ritzau
Jensine Berthelsen
JOURNALISTI
Saqqummersinneqarpoq

Kalaallit innuttaasut arlalissuit amerikamiut dollariinik tunineqaqqammerput, illoqarfiit pingaarnersaanni Nuummi aqqusinermi agguaassisoqarmat.

Tassunga atatillugu Kalaallit Nunaanni akileraartarnermut oqartussaasut kalaallit eqqaasippaat, isertitat tamarmik - taakkununnga ilanngullugit inunnit ilisimasarinngisanit aningaasat pissarsiat - nalunaarutigineqartariaqartut.

Taamak Kalaallit Nunaanni akileraartarnermut aqutsisoqarfimmit marlunngornermi Naalakkersuisut nittartagaanni allapput.

"Tikilluarit Amerikamut!"

Marlunngornermi nunatsinni tusagassiorfinnit allaaserineqarpoq, matut kasuttorfigineqartarsimasut aqqusinermilu amerikamiut dollarsinik nasaaqqanillu teqqialinnik MAGA-nik Nuummi innuttaasunut agguaanneqarsimasut.

Amerikamiut angutit arlallit, USA-p erfalasuanik atisallit, aningaasanik amerlasuunik agguaassimasut takuneqarsimapput.

TV 2 naapertorlugu amerikamiut angutit inuusuttut kalaallit aperaat, "amerikamiunngornissaminnut qilanaarnersut". Aammalu inuit attaveqaqatigiittarfiini videoni agguaanneqartuni tusarsaavoq angutit taakku inuusuttut oqaasertaliisartut "Amerikamut tikilluarit".

Aningaasat isertitatut akileraarusigassaapput

Kalaallit Nunaanni akileraartarnermut aqutsisoqarfia ilaatigut innersuussivoq ulluni kingullerni tusagassiorfinni oqaluttuarineqartunut.

- Kingullertigut tusagassiorfinni oqaluttuarineqartartut tassaapput innuttaasut, inunnit allanertanit aningaasanik tuniorarneqartut, taakkununngalu ilanngullugu nasaaqqat teqqiallit agguaanneqarlutik, aqutsisoqarfik allappoq nangillunilu:

- Akileraartarnermut aqutsisoqarfiup erseqqissarusuppaa, isertitat tamarmik, sumilluunniit aningaasanngorlugit, akileraaruserneqartussaammata aamma nalunaarutigineqartussaallutik.

Aqutsisoqarfik ikiuunnissamut piareersimasoq, apeqqutissaqarpat, ilanngullugu ilisimatitsissutigineqarpoq.

Meeqqanut ukiukitsunut aningaasanik tunineqarsimasunut angajoqqaat qanoq iliussappat?

Nuummi meeqqat ilaat atuareernerup kingorna pisuttuarnermini aningaasanik tunineqarsimasoq, tassaavoq Jacob Nordstrømip ernera aqqanilinnik ukiulik.

Ataataasoq Sermitsiamut pisimasoq pillugu marlunngornermi oqaluttuarpoq, taassumalu taamaaliortoqarsimanera taavaa "killissanik qaangiinerusoq", inunnit ilisarisimanngisanit ernini aningaasanik tunineqarsimammat.

- Tamanna soorunami isigaara terlinganeerinninnerusoq. Tamanna assut  maajunnarpoq, utoqqatserpungalu oqaatsit taamaattut atortariaqarakkit, tassami inersimasut meeqqanut inuusuttunullu aningaasanik agguaassisimapput. Tamanna soorunami killissanik qaangiivoq, ataataasoq oqarpoq.

Meeraq amerlasuut amerikamiut aningaasaannik 100 dollarsinik tunineqarsimapput. Tassunga atatillugu Akileraartarnermut aqutsisoqarfimmi pisortaq erseqqissaavoq, , amerikamiut aningaasaannik agguaassiffigitissimasunut meeqqanut angajoqqaat, meeqqatik ikiortariaqaraat akileraartarnermut aqutsisoqarfimmut nalunaarutiginninnissamut atatillugu.

"Nelk Boys" Trumpip soqutigisaanik aallussisut

TV 2-mit nalunaarutigineqarpoq, amerikamiut angutit, taaguuteqartartut Nelk Boys, matumani agguaassisimasutut pineqartut.

Inuit attaveqaqatigiittarfiannut  X-mi angutit marluk assinik saqqummiussuipput, taakkua USA-p erfalasui atorlugit assilineqarsimapput, aamma USA-p præsidentissaata, Donald Trumpip, assinga angisooq tigumiarlugu.

- Make Greenland Great Again (Kalaallit Nunaat angisuunngorteqqiguk, aaqq.), allapput Nelk Boys saqqummiussaminni.

Kufferti 100 dollarsinik ulikkaartoq nassatarivaat

Ilisimaneqanngilaq aningaasat qanoq amerlatigisut agguaanneqarsimanersut. Suliami allami Sermitsiaq-mit paasineqarpoq, tassaavoq danskit aningaasaat isarussap puiniittut nassaarineqarsimasut, 130.000 koruunit missaanniittut, Taamani Kalaallit Nunaanni politiit suliassamik aallartitinikuupput.

Isarussap puuini danskit aningaasai taamak amerlatigisinnaappata, kufferti nalinginnaasumik angissusilik qanoq amerlatigisunik 100 dollarsinik imaqarpa?

- Tamanna akisinnaanngilara.

Inatsisit malillugit Kalaallit Nunaannukarnermi Kalaallillu Nunaannit aallarnermi aningaasat tigummiat 50.000 koruunit killigivaat.

- Aningaasat amerlanerusut nassarneqarsinnaapput, kisianni taava akitsuuserisoqarfimmut nalunaarutigineqartussapput, pisortaq Kim Neumann Nielsen erseqqissaavoq.

samfund inuiaqatigiit

ATORFIIT Se alle jobs

Powered by Labrador CMS