Akiligassiissutit amerlanerit Savalimmiut karsiannut nakkartinneqartalissapput
Akiligassiissutit arsaarinnissutigineqartullu aqqutigalugit isertitat, inatsisit suliassaqarfinnut angerlaanneqareersunut tunngasut, siunissami Savalimmiut landskarsiannut tunniunneqartassapput, naalagaaffiup karsianut tunniunneqartarunnaarlutik.
Ministeriuneq Mette Frederiksen (S), Savalimmiut lagmandiat Aksel V. Johannesen, Justitsministeri Peter Hummelgaard (S) aamma Savalimmiut justitsministeriat Bjarni Kárason Petersen isumaqatigiissummik Tinganesimi Torshavnimi Savalimmiuni, marlunngorneq 17. juni 2025.
Assi: Ida Marie Odgaard/Ritzau Scanpix
Savalimmiut politiivisa allallu Savalimmiuni oqartussaasut akiligassiissutigisaasa arsaarinnissutigisaasalu aningaasartaat naalagaaffiup karsianut tunniunneqartarput.
Maanna Danmarkimi naalagaaffik Savalimmiunilu naalakkersuisut isumaqatigiissuteqarput akiligassiissutit arsaarinnissutaasullu suliassaqarfinni tiguneqarsimasuni siunissami Savalimmiut landskarsiannut isertinneqartalissasut naalagaaffiup karsianut isertinneqaratik, kisiannili akiligassiissutit arsaarinnissutaasullu suliassaqarfinni ataatsimoorunneqartuni naalagaaffiup karsianut nangittumik isertinneqartassallutik.
Kalaallit Nunaat Savalimmiunit tassunga tunngatillugu siuarsimanerusoq oqaatigineqartariaqarpoq, tassami inatsisitigut aalajangersarneqarsimavoq akiligassiissutit arsaarinnissutaasullu sumut isertinneqassanersut.
Kalaallit Nunaata Savalimmiullu ataatsimoorussamik suliassaqarfigaat akiligassiissutit arsaarinnissutaasullu politiit suliassaannut attuumassuteqartut suli naalagaaffiup karsianut isertinneqartassasut.
