Qeqertarsuup illoqarfiata qeqqani takornariat tungujortunik
kavaajaqartut 200-t missaanniittut marlunngornermi ualikkut nuiasoq takussaapput
- taakkulu Canadamiut umiarsuaanni Ocean Endeavourimi Adventure Canadamit pigineqartumi
ilaapput. Sermitsiap periarfissaq atorluarlugu Siumumi siulittaasoq Aleqa
Hammond, erninilu 20-nik ukiulik umiarsuarmi oqalugiartuusut,
oqaloqatigipallappai.
Aleqa Hammond angalaqatini peqatigalugit Pilersuisup
eqqaani inuppasuit akornanni issiavimmi issiasoq Qeqertarsuarmiunillu
oqaloqateqallattaartoq Sermitsiamiit naapipparput.
Qeqertarsuup illoqarfiata qeqqani takornariat tungujortunik
kavaajaqartut 200-t missaanniittut marlunngornermi ualikkut nuiasoq takussaapput
- taakkulu Canadamiut umiarsuaanni Ocean Endeavourimi Adventure Canadamit pigineqartumi
ilaapput. Sermitsiap periarfissaq atorluarlugu Siumumi siulittaasoq Aleqa
Hammond, erninilu 20-nik ukiulik umiarsuarmi oqalugiartuusut,
oqaloqatigipallappai.
Aleqa Hammond angalaqatini peqatigalugit Pilersuisup
eqqaani inuppasuit akornanni issiavimmi issiasoq Qeqertarsuarmiunillu
oqaloqateqallattaartoq Sermitsiamiit naapipparput.
Angalaneq sivisooq
Ocean Endeavourip angalanera Kangerlussuarmiit Sisimiunut
aallartippoq, tassanngaanniillu Qeqertarsuarmut ingerlaqqilluni. Tassannganniit
Davis Strædekkut, Nunavumi Qikiqtaaluk Regionimi Mittimatalimmut
ingerlaqqippoq, aqqutaanilu Sullualummi sumiiffinni assigiinngitsuni
arlaleriarluni uninngasassalluni. Angalanerlu takisooq naggaserlugu umiarsuaq Kugluktuk-mut
ingerlaassaaq.
Aleqa Hammond ukiuni tallimani kingullerni Adventure
Canadap umiarsuaataani takornarissanut oqalugiartuuvoq.
- Umiarsuarmi
angalasut Kalaallit Nunaanni pissutsit pillugit sukumiisumik
oqaluttuuttarpakka, ilaatigut peqqinnissaqarfik, ilinniartitsineq, piniarnermut
aalisarnermullu tunngasut, nunanut allanut attaveqarneq Amerikamiullu Kalaallit
Nunaannik soqutiginninnerat allarpassuillu sammisarlugit.
- Nukappiariaatiga
aamma oqalugiartartuuvoq, taassuma ilaatigut Kalaallit Nunaat nutaaliaasoq
inuusuttullu inuunerat oqaluttuarissarpai, Aleqa Hammond oqarpoq.
Kalaallit Nunaat Kalaallit Nunaannilu pissutsit
takornarissat soqutigisorujussuugaat taassuma oqaatigiaa.
Illoqarfik nuannaraat
Aleqa Hammondip inuit ikittunnguit Pilersuisup
pisiniarfiata silataani issivimmi issiaqatigai, taakkualu ilagaat John Houston
Canadami Halifaximeersoq. Taanna takornarissanik angallassisartuunermi
saniatigut ilaatigut saqqummersitsiviuteqarpoq filmiliortartuullunilu.
- Ukiuni 34-ni umiarsuaatileqatigiiffimmi tassani angallassisartutut
sulivunga, nuannarilluinnartarparalu.Qeqertarsuarmut marloriarlunga tikittarnikuuvunga,
illoqarfillu pinngortitarlu kusanartoq nuannareqaakka, John Houston Dorset
Islandimi Kinngaitimeersoq oqarpoq.
Chuck
Blyth Fort Canadami North West Territoriesimeerimi Simpsonimeersoq takornariaavoq.
Taanna katersugaasivimmut pulaarsimavoq, tassanilu naasorsiooq Morten Porsild,
Qeqertarsuarmi Arktisk Stationimik pilersitsisuusoq pillugu saqqummersitaq
assut alutorisimallugu oqaatigaa.
- Illoqarfik
pinngortitarlu alutornaqaat, aammali illut qalipaatigissusii nuannersut
alutorilluinnarpakka, taanna oqarpoq.
Adventure
Canada ukiuni 50-init amerlanerusuni issittumi umiarsuarnik takornariartaatinik
ingerlatsisimavoq.
