Naalakkersuisut apriilimi
2025-mi Demokraatit, Inuit Ataqatigiit aamma Atassut peqatigalugit
naalakkersuisooqatigiinnissamut isumaqatigiissuteqarmata Siumut qitiusumik
inissisimalerpoq.
Naalakkersuisooqatigiinnissamut isumaqatigiissutip
politikkikkut patajaatsuunissaq qulakkeertussaallugulu USA-mit tatineqarnermi
ataatsimoorluni sapiissuseqartutut isikkoqarnissaq qulakkeertussaavaa.
Naalakkersuisut apriilimi
2025-mi Demokraatit, Inuit Ataqatigiit aamma Atassut peqatigalugit
naalakkersuisooqatigiinnissamut isumaqatigiissuteqarmata Siumut qitiusumik
inissisimalerpoq.
Naalakkersuisooqatigiinnissamut isumaqatigiissutip
politikkikkut patajaatsuunissaq qulakkeertussaallugulu USA-mit tatineqarnermi
ataatsimoorluni sapiissuseqartutut isikkoqarnissaq qulakkeertussaavaa.
Taamaammat Aleqa Hammondip siulittaasutut qinerneqarnera piffissami
mianernartorsiorfiusumi, naalakkersuisooqatigiinnerup aatsaat
aallartilaarnerani, pivoq.
Naalakkersuisut
siulittaasuata Jens-Frederik Nielsenip Demokraatineersup Siumumi qinersineq
ataqqillugu siulliulluni oqaaseqartuullunilu naalakkersuisooqatigiit
ingerlavissartik allanngortissimanngikkaat erseqqissarpaa:
- Siullermik Aleqa Hammond Siumumi siulittaasutut qinigaaqqinnera pillugu
pilluaqqussavara. Aleqap Siumumik siunissami suleqateqarnissamut qanoq
isiginninneranik oqaloqatiginissaa qilanaaraara, erseqqissaatigissavarali
naalakkersuisoqatigiit isumaqatigiissutigisimasartik naapertorlugu suliniarnertik
ingerlatiinnassammassuk, Jens-Frederik Nielsen Sermitsiamut oqarpoq.
Nunatta siunissaa qulakkiissavarput
Inuit Ataqatigiit
siulittaasuata Múte Bourup Egedep naalakkersuisooqatigiinni suleqatigiinneq
pisariaqartoq erseqqissarpaa.
- Tassa aallarniutigalugu pilluaqqorusuppara aammalu sulilluarnissaanik
kissaallugu. Ullut uku atukkavut nunatsinni ataatsimoorussamik suleqatigiiffiusumillu nunatta siunissaanik
toqqammaviliinissamik pisussaaffiliimmata suleqatigiilluarnissamik siunissami neriuuteqarpunga. Taassumattaaq
naalakkersuisooqatigiissut isumaqatigiissut naapertorlugu
suleqatigiiginnassasut naatsorsuutigalugu naqissuserpaa.
Atassutip siulittaasua Aqqalu
Clasen Jeremiassen utaqqimaarneruvoq:
- Namminneq qanoq ingerlaqqinniarnertik partiip aaliangissuaa,
suleqataarusunngikkunik tamanna namminneq assaaniippoq.
Vivian Motzfeldtip
naalakkersuisooqatigiinnissamut isumaqatigiissut atsiorneqarmat
suleqatigiinnerup pisariaqarnera pillugu oqaaserisimasai innersuussutigai.
Naleqqami nuannaartut
Pele Brobergip
Naleqqameersup Hammondip Siumumi siulittaasutut qinigaaqqinnera nuannaarutigaa,
aamma Naleqqap naleqartitaanut anguniagaanullu naapertuuttumik kalaallit
soqutigisaannik qitiutitsisussatut ersarissumik oqariartuutaa nersualaarpaa.
- Arlaleriarluta oqaatigereernikuuarput: Kalaallit, oqaativut kinaassuserpullu
salliuppagut. Kikkulluunniit tunngaviusumik anguniakkatsinnik
naaperiaasinnaasut suleqatigeriaannaasuaannarpagut, Inatsisartunut
ilaasortaagaluarpata, aqqusinerminngaanneeraluarpalluunniit, Pele Broberg aamma
partiip pitsanngorsaataasinnaasunik siunnersuutai arlallit Siumup kissaataanut
naapertuuttut erseqqissarpai, ilaatigut ikummatissap akianut, piniarnermut
pisassiissutinut isumaginninnermullu tunngasut.
Hammondip qinigaaqqinnerata
kingorna Siumup Naleraq suli attaveqarfigisimanngikkaa naggasiutigalugu
oqaatigaa.
