Igalaassianik ikkussuisartoq, assinik siniliisartoq eqqumiitsulianillu tuniniaasartoq Roar Christiansen 86-inik ukioqarluni juulip 22-ani toquvoq.
Roar Christiansen Samsømi sorsunnersuaq kingulleq aallartinngitsiartoq 1939-mi inunngorsimavoq. Angajoqqaanilu Frankrigimi Alsacemut Tyslandip killeqarfiata eqqaaniittumut sorsunnersuup kingullerup soraarnerata kingorna nuupput, tassanilu atuartuulluni – taamaattumik Roar Christiansen qallunaatut oqaasiliunermi saniatigut franskisut tyskisullu akunnattuunganngitsumik oqalussinnaasimavoq.
Igalaassianik ikkussuisartoq, assinik siniliisartoq eqqumiitsulianillu tuniniaasartoq Roar Christiansen 86-inik ukioqarluni juulip 22-ani toquvoq.
Roar Christiansen Samsømi sorsunnersuaq kingulleq aallartinngitsiartoq 1939-mi inunngorsimavoq. Angajoqqaanilu Frankrigimi Alsacemut Tyslandip killeqarfiata eqqaaniittumut sorsunnersuup kingullerup soraarnerata kingorna nuupput, tassanilu atuartuulluni – taamaattumik Roar Christiansen qallunaatut oqaasiliunermi saniatigut franskisut tyskisullu akunnattuunganngitsumik oqalussinnaasimavoq.
Roar Christiansen 19-inik ukioqarluni Københavnimut nuuppoq, tassanilu akkani assinik sinilersueqatigalugu ikiortarpaa, taamaalillunilu tassa inuussutissarsiutigilerlugu. 1961-imi nunatsinnukarpoq – siullermik angallatinut SKA-tut ittunut sakkutuujujartorluni tamatumalu kingornatigut Kangilinnguanut sanasutut suliartorluni.
Taava Regine Thaarup Høegh naapippaa nuliartaaralugulu kingornalu Nuummut nooqatigalugu. Taamanikkut Jørgensen og Nystrupimi sulivoq, igalaassianik ikkussuisartutut 1973-imi namminersortunngornissami tungaanut – siullermik Inspektørbakkenimi 1986-imiillu Tuapannguani piniarfimmi ilisimaneqarluartumi.
Eqqumiitsualianik soqutigisalerujussuusimasoq
Roar Christiansen isumassarsiullaqqissuusimallunilu eqqumiitsulianik soqutigisalerujussuusimavoq. Taamaalilluni pisiniarfiutimini assinik sinilersuinermiit eqqumiitsulianik tuniaanermut saakkiartorusaarsimavoq. Tassanilu tassa ilaatigut Emanuel Petersenip qalipigaanik nuannarisaqarluinnalerpoq. Emanuel Petersenip qalipagaanik ilaatigut Bruun-Rasmussenimi akitsorserussinikkut tuniniakkanik pisikkajuttarsimavoq, pisianilu iluarsarteriarlugit nunatsinnut tassa utertittarsimasai suliffeqarfiit allaffeqarfiillu ilarpassuini nivingarrapput.
Roar Christiansen kalaallit eqqumiitsuliaannik nioqquteqallammassuusimavoq. Eqqumiitsuliat pillugit ilisimasaqarluartuunini ilisimaneqaatigisimavaa – kalaallillu eqqumiitsuliaat pillugit paasisaqarnerorusuttunit pisilersaartunilluunniit aamma paasiniaavigineqakkajuttarsimalluni.
Roar Christiansen Nuummiinnerminik sungiussilluarsimavoq. Illoqarfik najugarilikkani nuannarilersimavaa – namminerlu ullorsioraangami eqqumiitsulianik nunatsinni illoqarfiit pingaarnersaanni suliffeqarfinnut tunissuteqartarsimalluni. Kingullermik 2023-mi taamaaliorpoq, pisiniarfimmik ingerlatsisutut ukiunik 50-nngortorsiornerminut atatillugu kanngussat kigartukkat qalipaasersukkat 14-it Ilisimatusarfimmut tassani tunissuteqarami.
Roar Christiansenip pisiniarfiutaa panianit Singka Høegh Mortensenimit maanna ingerlanneqarpoq.
