Amerikamiut nunanut allanut ministeriannik ataatsimeeqateqarnermini Løkkep Kalaallit Nunaat eqqartornianngilaa
Ministerit marluk Amerikami aalajangiisartunut - ilaatigut Marco Rubiomut - sunniiniarlutik USA-miipput.
Danmarkip nunanut allanut tunngasuni ministeria Lars Løkke Rasmussen (M) USA-llu nunanut allanut tunngasuni ministeria Marco Rubio ataasinngornermi naapissapput.
Danmarkip nunanut allanut tunngasuni ministeriata Lars Løkke Rasmussenip (M) USA-p nunanut allanut tunngasuni ministeria, Marco Rubio, ataasinngornermi ataatsimeeqatigissavaa.
Tamanna Amerikap nunanut allanut tunngasuni ministeriata ullorsiutaani allaqqallunilu Danmarkip nunanut allanut tunngasuni ministeriata uppernarsarpaa. USA-p Kalaallit Nunaannik tiguaarusunnera akerlilerneqangaatsiarneqartarpoq, tamannali ataatsimeeqatigiinneranni oqaluuserisassaannut ilaanngilaq.
- Kalaallit Nunaat oqaluuserisassatsinnut ilaasimagaluarpat, eqqartornissaanut piareersarsimassagaluarpugut. Taamaaliortussanngorsimagaluaruttalu Kalaallit Nunaanni suleqatiga peqatiserisimassagaluarpara, Lars Løkke Rasmussen oqartoq DR TV 2-lu allapput.
Løkkep illersornissamullu ministerip Troels Lund Poulsenip (V) Marco Rubiomik tikeraarnerminni ataatsimeeqateqarnissaat pilersaarutaasimanngikkaluarpoq, taakkuami tikeraarneranni Marco Rubiop Washington D.C.-miinnissaa naatsorsuutigineqarsimanngikkaluarmat.
Tamannalu Kalaallit Nunaata oqaluuserinissaanut piareersarsimannginnerminnut pissutaasoq, Lars Løkke Rasmussen oqarpoq. Allanulli tunngasunik tassa oqaluuserisassaqarput.
- Kalaallit Nunaata saniatigut allarpassuarnik soqutigisaqarpugut, taakkualu pillugit Amerikamiunik oqaloqateqarnissarput pingaaruteqarpoq, Løkke oqarpoq.
Danmarkip nunanut allanut tunngasuni ministeriata USA-p akitsuutinik qaffaanera aamma Ukrainep Israelillu Gazamut saassussinerat eqqaavai. Danmarkimi EU-mi siulittaasuuffik tigoqqammerpaa ukiullu affaanik tigummissallugu.
Løkkep Rubiollu tusagassiortunut matoqqasumik ataatsimeeqatigiissapput, tamannalu Amerikap nunanut allanut tunngasuni ministereqarfiani pissalluni.
Løkkep illersornissamut ministeri Troels Lund Poulsen (V) Amerikami aalajangiisartunut sunniiartoqartigiartorlugu USA-mut angalaqatigaa.
Nunanut allanut ministeri Lars Løkke Rasmussen (M) Washington D.C.-mi tikeraarnermini ilaatigut Maga-bevægelsen-imi (Make America Great Again-imi, aaqq.) ilaasortanik ataatsimeeqateqarnissaminut pilersaaruteqarpoq.
(M) Maga-meersut (Make America Great Again, aaqq.) Lars Løkke Rasmussenip USA-mi Washington D.C.-miinnermini aamma ataatsimeeqatigisassaanut ilaapput.
Maga-meersut USA-p præsidentiata Donald Trumpip tapersersortiginerpaasarai.
Maga-meersut suliaat paasisaqarfigiumanerullugit isumaallu sunik aallaaveqarnersut paasiniarlugu ataatsimeeqatigissagitik, Lars Løkke Rasmussenip oqaatigaa.
Danmarkip ministerii marluk marlunngornerup tungaanut tikeraassapput.
Tassa Amerikami aalajangiisartut pingaarutillit, isummersortartut illersornissamullu tunngasuni suliallit danskit ministeriisa marluk naapitassaannut ilaapput.
Ministerit marluk taakkua arlaannaalluunniit USA-mi suleqatiminnik tassa nunami tassani ministerimik ataatsimeeqateqarnissaat pilersaarutaasimanngikkaluarpoq.
/ritzau/
