Amerikamiut timmisartui sorsuutit Kalaallit Nunaannut tikeraartut

Amerikamiut timmisartui sorsuutit danskit sakkutuuisa timmisartuinit ikiorneqarlutik Kalaallit Nunaat qulaallugu sapaatip-akunnerani matumani ingerlaarput.

Illersornissaqarfiup nittartagaani atuarneqarsinnaavoq.

Amerikamiut "najuunnertik takutinniarlugu" aamma Issittumi Danmarkip suleqatiginissaa sungiusarniarlugu tikeraarnerminni siunertaraat, nalunaarummi allassimavoq.

- Amerikamiut timmisartuisa sorsuutit tikeraarnerat Kalaallit Nunaanni suliaqarnermut tunngatillugu misilittakkanik paarlaasseqatigiiffiuvoq, illersornissaqarfik nittartakkamini allappoq.

USA-p timmisartui F-16-it marluk, timmisartut F-35-t marluk timmisartullu silaannarmi orsiisartut marluk tikeraartuupput.

Qallunaat sakkutuuisa timmisartuinit Hercules-init Challengerinillu ikiorneqarput.

Pituffiup eqqaanittut

USA-p sakkutooqarfianut Pituffimmut, Kalaallit Nunaata avannaaniittumi, tikeraarput.

Sakkutooqarfik USA-p vicepræsidentianit J.D. Vancemit marsimi tikeraarneqarpoq.

Taassuma tikeraarnermini Danmarkip Kalaallit Nunaanni suliai sakkortuumik isornartorsiorpai.

USA-p vicepræsidentiata tikeraarnerata kingorna sakkutooqarfimmut pisortaasimasoq Susannah Meyers Danmarkip suleqatigilluarneqarnera erseqqissarlugu sulisunut mailikkut allappoq.

Tamatuma kinguninngua "aqutsinermik piginnaasai naammanngitsut tunngavilersuutigalugu" USA-p sakkutuuinit soraarsinneqarpoq.

/ritzau/