Savalimmiuni politikkikkut
sammivik piffissap ilaani aalajangersimasumukaarpoq.
Nammineq
aalajangiisinnaanerunissaq Naalagaaffeqatigiinnerullu
pisariaqartikkunnaariartornera.
Savalimmiuni politikkikkut
sammivik piffissap ilaani aalajangersimasumukaarpoq.
Nammineq
aalajangiisinnaanerunissaq Naalagaaffeqatigiinnerullu
pisariaqartikkunnaariartornera.
Inuit 16 procentiinnaasa
inatsisip tunngaviusup allanngortinneqanngitsutut attanneqarnissaa
kissaatigigaat Savalimmiuni Spyr.fo-p isumasiuinerata maanna takutippaa.
Allannguisoqartoqarnissaali ujartorneqaraluartoq Naalagaaffeqatigiinniit
aninissaq annertunngilaq.
Savalimmiuniit Folketingimi
partiip ilaasortaatitallip Sambandsflokkurinip misissuititsisuuvoq, tassanilu
inernerit naammagisimaarneqarput. Partii Danmarkimut attaveqartuarnissaq
tapersersugaraa.
- Allannguerusuppugut nunanut
allanut tunngasutigut nammineq aalajangiisinnaalerusulluta, Danmarkimiilli
avissaarusunngilagut, politikkerillu Savalimmiuni atugarissaarneq
navianartorsiortissanngilaat, folketingimut ilaasortaq Anna Falkenberg
misissuineq pillugu tusagassiuutitigut nalunaarummi oqarpoq.
“Periarfissaanngitsoq”
Sambandsflokkurinip misissuinermi
peqataasut 500-t akissutaat imatut nassuiarpaat:
Savalimmiut
naalagaaffeqatigiinnerup iluani nammineq aalajangiisinnaassuseqarnerulernissaa
Savalimmiormiut 59 procentiisa kissaatigaat. 25 procentit Danmarkimit
avissaarusupput, 16 procentillu inatsit tunngaviusoq allanngortinnagu
atuutsiinnarusullugu.
Isumasiuineq Savalimmiuni
oqallisaangaatsiarpoq, ingammik inuit nittartakkatigut
attaveqaqatigiittarfiini. Inatsisinik atuutsitsinermut naalakkersuisup Bjarni
Kárason Petersenip (Framsókn) apeqqutit ilaat isumaqanngitsutut oqaatigaa.
Inatsit tunngaviusoq savalimmiuni namminersornerulluni oqartussaassuseqarnermut
aalajangersaasuutillugu Savalimmiut nunanut allanut politikkimut
aalajangiisinnaassuseqarnerulerunnanngitsoq, taanna isumaqarpoq.
- Sambandsflokkurinip
aaqqiissutaa tassaavoq inatsisip tunngaviusup iluanni
oqartussaassuseqarnerulernissaq, tamannali periarfissaanngilaq, Bjarni Kárason
atuartartut allagaannut allappoq.
Naalagaaffeqatigiinnissamik
tapersersuisut misissuinerup inernera nuannaarutigimmassuk tamanna
paatsoorneqarsimasutut taassuma isigaa. Tassa inunnik 500-nik isumasiuinermi 84
procentit Danmarkimik isumalluuteqarunnaarnerunissaq kissaatigaat. Naalagaaffiup
sinniisaata Tórshavnimiittup isumasiuineq Folketingimut septembarip 29-ani
ilisimatitsissutigaa. Tassani "nuna tamakkerlugu naaperiaaneq"
Savalimmiuni partiit amerlanersaasa upernaaq isumaqatigiissutaat ilanngullugu
paasissutissiissutigineqarpoq. Danmarkip siunissami peqatigilernissaa nutaaq
erseqqissarneqarpoq, taamaalilluni Savalimmiut piffissap ingerlanerani nunanut
allanut politikkimut tunngasunik nammineerluni oqartussaassuseqalerusulluni.
