Carsten Egevang ammassaat
atorneqartarnerat misissuiffiginiarlugu assiliivilerluni Saqqaliarpoq.
Taannattaaq ammassaat
paasisaqarfigerusullugit qanorlu aalisarneqartarnersut, panertinneqartarnersut
nerineqartarnersullu paasiniarlugut 2023-mi aasakkut Ilulissaniippoq.
PISARTAGAQARTUNUT
Allaaserisaq una Nutaarsiassaqartitsivimmi aviisit naqitat
ilaanni allaaserisaavoq.
Allaaserisat pisartagaqartunit taamaallaat atuarneqarsinnaapput.
Atuarluarna.
Carsten Egevang ammassaat
atorneqartarnerat misissuiffiginiarlugu assiliivilerluni Saqqaliarpoq.
Taannattaaq ammassaat
paasisaqarfigerusullugit qanorlu aalisarneqartarnersut, panertinneqartarnersut
nerineqartarnersullu paasiniarlugut 2023-mi aasakkut Ilulissaniippoq.
Suliaa Ilisimatusarfimmi
suliniummi AMMASSAK-mi, Aviaja Lyberth Hauptmannimit siulersorneqartumi,
ilaavoq. Suliniummi ammassat kulturikkut, inuussutissarsiornikkut
uumassusillillu ineriartorneranni pingaaruteqarnerat, kiisalu innuttaasut
uumasullu inuussutissaqarnissaannik pingaaruteqarnerat sammineqarpoq. Tassa
ilisimatusarnermik paasissutissiinermillu suliniutaavoq.
Carsten Egevangip
assiliissutini atorlugu ammassaatit pingaaruteqarnerat uppernarsarniarlugulu
oqaluttuariniarpaa. Saqqamiinnermini nutaatut drone atorlugu sammivimmiit
nutaarluinnarmiit ammassanniartut immiuttarpai.
Taamatut misissuinerup
aalisarneq, ukiuni hundredelikkuutaani Kalaallit Nunaanni kulturimut
inuussutissaqarnermullu pingaaruteqarsimasoq, allatut isigilersinnaavaa,
isumaqarpoq.
Nikolajilu ammassanniartut
Carsten Egevang Nikolaj Jensen
Saqqameersoq peqatigalugu sapaatip-akunnera kingulleq ammassanniarpoq. Nikolaj
Jensen nalaatsornerinnarmik naapissimallugu oqaluttuarpoq.
– Ammassanniassalluni
avalalerluni umiatsiaaqqamut ikeqquaanga. Nikolaj aalisartuuvoq, ammassaallu
ningittakkanik qaleralinniarnermi neqitassatut atussamaarpai.
Saqqap eqqaani ammassaqanngimmat nunaqarfiup
tullianut Qeqertamut kangerlummi ilorpasinnerusumiittumut iigartartumullu
qaninnerusumukarput.
– Tukerfiat naajartorpoq,
pisaqarsinnaanersugullu apeqqusernarpoq. Ujaasingaatsialaarrpugut,
sumiiffitsinnilu taateraat nakkutigivagut. Taakkumi sumi ammassaqarnersoq
takutissavaat. Taateraaqarluaraangat ammassaqakkajuttarpoq.
– Ammassaqarfiulluartumik
nassaaratta nunamut niuvugut. Ammassaalli nunap sinaaniit qassutinik
qaluussallugit ungasippallaarput. Taava Nikolaj ileqquusoq malillugu immap
killingani yoghurtimik kuisivoq. Yoghurti angutivissat anisuuannut eqqaanarmat
arnavissat qanillattulertarput. Minutsit qulit qaangiummata
qalluisinnaanngorpugut. Nikolajip qassutit assaannarmik paaralugit aalisakkanut
karsi nassatartik ulikkaapallappaa, Saqqamullu uterpugut, Carsten Egevang
oqaluttuarpoq.
Carsten Egevang juunip 30-ani Facebookimi ima allappoq:
”Ullumikkut Nikolaj Jensen, aalisartoq Saqqarmeersoq ilagalugu ammassanniarpunga. Ammassanniarneq sammivimmiit allamiit takorusullugu drone silaannarmut
qangattartippara.
Nikolajilu marluulluta
taateraat tusintilikkaat qipoqqallu pingasut-sisamat akornaniippugut, tamattalu
assigiimik siunertaqarpugut: ammassannissaq”.
Ningittagaq lilometerinik pingasunik
takitigisoq
Carsten Egevangip ullup ingerlanerani Nikolaj
aalisaqataalu Anton tulattarfimmi naapippai. Taakku ningittakkami qarsorsat
neqitsersuleruttorpaat.
– Ningittagaq kilometerit
pingasut sinnerlugit takissusilik aalisaatigisarpaat, taamaammat qarsorsat
ataasiakkaarlugit ammassammik affarmik neqitsersornissaat sivisusarpoq.
Neqitassat pisaqassutigilluarniaraanni nutaarsunnittariaqarput, Carsten Egevang
erseqqissaavoq.
– Aqaguani
qaleralinniaqataaqquneqarpunga. Ammassaat pisagut iluaqutaasut nammineq isinnik
(assiliivinnillu) uppernarsarsinnaavakka. Qalerallit 700 kilogramit 600
meterinik ititigisumiit qallorneqarput.
Suliniut
AMMASSAK pillugu uani paasisaqarnerugit.
