Angerlarsimaffiit 26-it ukiortaamiilli kiassarneqanngitsut – kiassarneqaqqilersut
Ole Brandtsvjeimi inissiat 26-it ukiortaamiilli nillertuinnaareerlutik maanna kissartoqaqqilerput. Ajornartorsiut aaqqinniarlugu INI A/S, VVS aamma sanaartornermik suliaqartut aaqqiiniarlutik misissuingaatsiartariaqarsimapput. Maanna januaarip arfineq-aappaanni kiassartoqaqqilersoq, INI A/S nalunaarpoq.
Privatfoto
Ole Brandtsvejimi inissiat 26-it ulluni arfineq-marlunni kiassarneqanngereerlutik kissartoqaqqilersut, INI A/S nalunaarpoq.
Inissiaatileqatigiiffik INI A/S Nukissiorfiit suleqatigalugit kissarsuut uuliamik ikummatissalik angallattagaq ikkussorsimavaa, maannalu inissiat eqqugaasut tamarmik kiassarneqaqqilerput.
- Kiassartoq uuliamik ikummatissalik angallattagaq Nukissiorfiit suleqatigalugit ikkussorneratigut kiassarneqaqqilerput, INI A/S Sermitsiamut ilisimatitsivoq.
Ajutoorneq ilimagisamiit annertunerusoq
Kiassarnermut ruujorit ilimagisamit ajoqusernerusimanerat utaqqinerup sivisuneranut pissutaavoq:
- Kiassarnermut ruujorit ilimagisamit ajoqusersimanerunerat utaqqinermut pissutaavoq. Tamanna iluarsaanniarnermik ajornarnerulersitsisimavoq misissuinerlu sukumiinerusumik pilersaarusiornerlu pisariaqarsimallutik, INI A/S Sermitsiamut allappoq.
