KL

DK

Angut arnanut qulinut nakuusersimasutut unnerluutigineqartoq

Angutip arnanut arlalinnut angummullu ataatsimut nakuusersimasutut unnerluutigineqarnera pillugu eqqartuussivi suliaq annertooq Ilulissani aallartissaaq. Tamatuma saniatigut nammineersinnaajunnaarsitsisimasutut, angerlarsimaffimmi eqqissiviilliortitsisimasutut, sioorasaarisimasutut, peqquserluttuliorsimasutut tillinniarsimasutullu unnerluutigineqarpoq.

Morten Okkels Morten Okkels Tusagassiortoq
Saqqummersinneqarpoq

Angut 30-t sinnerlugit ukiulik Ilulissani Qaasuitsup Eqqartuussiviani apriilip 28-ani sassartinneqassaaq. Angutip pinerlunnernut 23-nut, ilaatigut arnanut qulinut angummmullu nakuusernermut, eqqartuunneqarnissaa unnerluussisussaatitaasut piumasaraat.

Unnerluussissutigineqartut naapertorlugit unnerluutigineqartup ilaatigut arnaq naavatigut savimmik kapisimavaa. Arlaleriarluni arnat angullu pinerlineqartoq ataaseq unatarlugit, isimmittarlugillu toqqusassittarsimavai.

Angut 30-t sinnerlugit ukiulik Ilulissani Qaasuitsup Eqqartuussiviani apriilip 28-ani sassartinneqassaaq. Angutip pinerlunnernut 23-nut, ilaatigut arnanut qulinut angummmullu nakuusernermut, eqqartuunneqarnissaa unnerluussisussaatitaasut piumasaraat.

Unnerluussissutigineqartut naapertorlugit unnerluutigineqartup ilaatigut arnaq naavatigut savimmik kapisimavaa. Arlaleriarluni arnat angullu pinerlineqartoq ataaseq unatarlugit, isimmittarlugillu toqqusassittarsimavai.

Aamma arnamik inissiami nalunaaquttap-akunnerpassuini anitsaaliuisimasutut taamaalillunilu ajoqusersimaneranut nakorsartinnissaanik akornusersuisimasutut unnerluutigineqarpoq.

Aammattaaq angut sioorasaarisimasutut, angerlarsimaffimmi eqqissiviilliortitsisimasutut, aningaasanik peqquserluttuliorsimasutut Brugsenimilu champagnemik akisuumik tillissimasutut unnerluutigineqarpoq.

Pisut unnerluussissutigineqartut naapertorlugit Ilulissani, Qasigiannguani Uummannamilu pisimapput. Ilaat ukiualuit matuma siorna pisimapput, tamannalu eqqartuussinermut pineqaatissiinermullu sunniuteqarsinnaavoq.

Sermitsiap unnerluutigineqartup illersuisua Thomas Wiemann attaveqarfigaa. Unnerluutigineqartoq unnerluussutaasut ilaannut pisuusutut nassuerniartoq taanna oqarpoq. Sorpiaalli pineqarnersut illersuisup itinerusumik oqaatiginngilaa.

Qaasuitsup Eqqartuussiviani maajip 13-ani eqqartuussisoqarnissaa naatsorsuutigineqarpoq.

Pisartagaqarneq

Allaaserisaq tamaat atuarniarukku atuisunngortariaqarputit! Iserit!

Sermitsiaq.gl – Nittartagaq

  • Sermitsiaq.gl-imi allaaserisat tamakkiisumik atuarsinnaalissavatit
  • Qaammammut kr. 59.00
  • Ukiumut kr. 650.00
ATUISUNNGORIT

Asasarput atuartartoq, Sermitsiaq.gl-imut – Kalaallit Nunaanni nutaarsiassanik isornartorsiuisumillu tusagassiornermik saqqummiussiffimmut – tikilluarit. Kiffaanngissuseqarluni tusagassiornerup siuarsarneqarneranik suliniuteqartuarsinnaajumalluta, itisiliillutalu isornartorsiuilluta tusagassiortuarsinnaajumalluta, allaaserisat aalajangersimasut akeqalersippavut. Tamanna iluaqutigalugu allaaserisat pitsaassusaat qulakkeersinnaavarput, tusagassiortuttalu pikkorissut oqaluttuanik pingaarnerpaanik saqqummiussinissaannut tapersersorsinnaavavut. Allaaserisat akillit qaammammut taamaallaat 59 koruuninit akeqarput. Pisineq ajornanngitsuararsuuvoq – ataaniittoq toorlugu saqqummiussavut tamakkiisumik iserfigisalersinnaavatit. Paasinninnerit tapersersuinerillu qujamasuutigaavut. Pituttorsimanngitsumik isornartorsiuisumillu Kalaallit Nunaannut tusagassiortarnissamik suliniuteqartuarnissamut akiliutivit ikiorpaatigut.

ilulissat eqqartuussineq inuiaqatigiinneq persuttaaneq inuiaqatigiit

Atorfiit tamaasa takukkit

– Se alle jobs

Powered by Labrador CMS