Angut inuusuttoq aataminik toqutseriarsimasutut pinngitsuutinneqartoq

Angut 20-nik ukiulik aataminut toqutseriarsimasutut unnerluutigineqarpoq. Nakuusersimasutut eqqartuunneqassasoq Eqqartuussisoqarfik Sermersuumi aalajangerneqarpoq. Unnerluussisup suliareqqitassanngortitsissanerluni eqqarsaatersuutigaa.

Angut 20-nik ukiulik nakuusersimasutut tillinniarsimasutullu eqqartuunneqarpoq, unnerluutiginnissummili sakkortunerpaami tassa toqutseriarsimasutut pinngitsuutinneqarpoq.

Arkivfoto: Leiff Josefsen

Morten Okkels Morten Okkels Tusagassiortoq

Saqqummersinneqarpoq 25. Juuni 2025 - 09:43

Angut 20-nik ukiulik aataminut saassussisimasutut persuttaasimasutullu pisuutinneqarpoq, toqutseriarsimasutulli pinngitsuutinneqarluni. Eqqartuussisoqarfik Sermersuumi taama naliliisoqarpoq.

Nakuuserneq Kulusummi ukioq manna apriilip aallaqqaataani pivoq. Unnerluussissut naapertorlugu angutip inuusuttup aatani taliatigut savimmik kapisimavaa aanaartillugu.

Angut 20-nik ukiulik aataminut saassussisimasutut persuttaasimasutullu pisuutinneqarpoq, toqutseriarsimasutulli pinngitsuutinneqarluni. Eqqartuussisoqarfik Sermersuumi taama naliliisoqarpoq.

Nakuuserneq Kulusummi ukioq manna apriilip aallaqqaataani pivoq. Unnerluussissut naapertorlugu angutip inuusuttup aatani taliatigut savimmik kapisimavaa aanaartillugu.

Taama pisoqarnera toqutseriaraluarnerusoq unnerluussisut isumaqarput, taamaattumillu ukiuni sisamani pineqaatissinneqarsimasunut inissiisarfimmiittussanngortinneqarnissaa piumasaralugu. Toqutseriartoqarsimatillugu taama pineqaatissiisarneq nalinginnaasuuvoq.

Ussassaarut

20-nilli ukiullip toqutsinissani siunertaralugu taama iliorsimaneranut uppernarsaatissaqanngitsoq eqqartuussivimmi nalilerneqarpoq. Taamaattumik nakuusersimasutut pisuutinneqarluni ukiumi ataatsimi pineqaatissinneqarsimasunut inissiisarfimmiittussanngortinneqarpoq.

Suli suliareqqitassanngortinneqarsinnaasoq

20-nik ukiulik Tasiilami pingasoriarluni tillinniarsimasutut, ilaatigut kommunip atortussaasiviani mobilinik tillissimasutut, eqqartuunneqarsimavoq.

Unnerluutigineqartut pineqaatissinneqarnini akueraa. Unnerluussisussaatitaasut suliareqqitassanngortitsissanerlutik sapaatip-akunneri marluk eqqarsarnissamut piffissaq tiguaat.

– Eqqartuussiviup aalajangiineranut tunngavilersuutit atuaqqissaarniassagatsigit eqqartuussut allakkatigut tigunissaa maannakkut utaqqivarput. Tigoreerutsigu Nunatta Eqqartuussisuuneqarfianut suliareqqitassanngortitsissanerluta aalajangiiffigissavarput, unnerluussisussaatitaasoq Cecilie Stürup Sørensen oqarpoq.

20-nik ukiulik eqqartuussut naammassimmat tigummigallarneqalerpoq.

Pisartagaqarneq

Allaaserisaq tamaat atuarniarukku atuisunngortariaqarputit! Iserit!

Sermitsiaq.gl – Nittartagaq

Sermitsiaq.gl-imi allaaserisat tamakkiisumik atuarsinnaalissavatit
Qaammammut kr. 59.00
Ukiumut kr. 650.00

ATUISUNNGORIT

Asasarput atuartartoq, Sermitsiaq.gl-imut – Kalaallit Nunaanni nutaarsiassanik isornartorsiuisumillu tusagassiornermik saqqummiussiffimmut – tikilluarit. Kiffaanngissuseqarluni tusagassiornerup siuarsarneqarneranik suliniuteqartuarsinnaajumalluta, itisiliillutalu isornartorsiuilluta tusagassiortuarsinnaajumalluta, allaaserisat aalajangersimasut akeqalersippavut. Tamanna iluaqutigalugu allaaserisat pitsaassusaat qulakkeersinnaavarput, tusagassiortuttalu pikkorissut oqaluttuanik pingaarnerpaanik saqqummiussinissaannut tapersersorsinnaavavut. Allaaserisat akillit qaammammut taamaallaat 59 koruuninit akeqarput. Pisineq ajornanngitsuararsuuvoq – ataaniittoq toorlugu saqqummiussavut tamakkiisumik iserfigisalersinnaavatit. Paasinninnerit tapersersuinerillu qujamasuutigaavut. Pituttorsimanngitsumik isornartorsiuisumillu Kalaallit Nunaannut tusagassiortarnissamik suliniuteqartuarnissamut akiliutivit ikiorpaatigut.