Angut inuusuttoq biilinik ajutoornermi kingorna tigusarineqartoq
Biili Aasianni qullilerfimmut aporsimasoq politiit sisamanngornerup unnuaani nalunaarfigineqarput. Imigassartorsimalluni biilertoqarsimanera pasitsaanneqarpoq.
Politiit angut aalakoorluni biilertutut pasineqartoq sisamanngornerup unnuaani tigusaraat.
Assiliisoq: Leiff Josefsen
Aasianni Peter
Siegstadsvejimi biili sukkasuumik ingerlasoq takuneqarsimasoq
Kalaallit Nunaanni Politiit sisamanngornerup unnuaani nalunaaqutaq
03.30 qaangilaaraa nalunaarfigineqarput, politiinut
nalunaarutiginnittup qanngorpallak nipitooq tusaasimavaa.
Politiit
nalunaarfigineqareernermi kingorna sumiiffimmut misissuiartoramik
biilit ajutoorsimasut naammattooraat Kalaallit Nunaanni politiiniit
Malik Olesen oqarpoq.
Biili qullermut
aporsimavoq.
Biili ajutoortoq marlunnik
ilaasoqarpoq, politiillu naapertorlugit taakku ajoqusersimanngillat.
Takunnittut biilertoq
kinaanersoq politiinut tikkuarsinnaasimavaat.
Biilertoq 20-t sinnerlugit
ukiulik aalakoorluni biilersimasutut pasineqarluni tigusarineqartoq,
tamannalu aaverneratigut paasineqassasoq Malik Olesen oqarpoq.
