Angut kalaaleq Aarhusimi napparsimmavimmi toqutsisimasutut eqqartuunneqarpoq
Angut kalaaleq maanna 47-nik ukiulik Aarhus Universitetshospitalimi tarnimikkut napparsimasut immikkoortortaqarfianni uninnganermini toqutsisimasutut pineqaatissinneqarpoq.
Arkivfoto: Leiff Josefsen
Angut kalaaleq 47-nik ukiulik Slagelsemi tarnimikkut napparsimasunut inissiisarfimmi "Sikringsafdelingen"-imik atilimmi paarisassanngorlugu Aarhusimi eqqartuussivimmi aalajangiunneqarpoq.
Taassuma Skejbymi tarnimikkut nappaatillit immikkoortortaqarfianni marsimi 2024-mi napparsimasumik 41-nik ukiulimmik toqutsisimanerminik nassuernerata kingorna taama aalangiisoqarpoq.
Angutip uninngaqatini savimmik Føteximi qanittumiittumi nakkutigineqarani aneqqanermini pisiarisimasaminik toqussimallugu nasserutigaa.
Angummit 41-nik ukiulimmit malersorneqarlunilu uumisaarneqartutut misigisimalluni nassuiaatigaa.
Pisoq tarnikkut nappaatilinnut isumannaallisaanikkut sukaterinermik kinguneqarpoq.
