Angut kalaaleq Københavnimi maqaasineqartoq
Angut Københavnimi maqaasineqartoq pillugu Københavnimi politiit nalunaarfigineqarsimapput. Maqaasineqartup pinerluttuliorfigineqarsimaneranut takussutissaqanngilaq, politiit oqarput.
Angut Kalaallit Nunaanneersoq maqaasineqartoq pillugu nalunaarfigitissimallutik Københavnimi politiit Sermitsiamut uppernarsarpaat.
Angut kalaaleq taanna ulluni arlalinni maqaasineqarpoq. Angutip ilaqutai politiinut saaffiginnittuupput, Københavnimi politiini pigaartut pisortaat oqarpoq.
- Angut taanna ujarparput, ilaqutaalu attaveqarfigisimavavut. Pinerluffigineqarsimaneranik pasitsaassinissamut pissutissaqanngilagut, ilaqutaali ernumammata soorunami tusarfigerusupparput, Københavnimi politiini pigaartut pisortaat Henrik Stormer oqarpoq.
Maqaasineqartoq ima nassuiarneqarpoq:
Innuttaasut inuk taanna takusimagunikku sumiinnersorluunniit ilisimagunikku, Københavnimi politiinut oqarasuaammut 1-1-4-mut attaveqaqqullugit kajumissaarneqarput.
