Angutip ujaarineqartup aqqa assingalu politiit saqqummiuppaat

Ilaqutaasut, kajumissutsiminnik ikiuuttut qatserisartullu angut 22-nik ukiulik Upernavimmi arfininngormalli ujaarilerpaat.

Ujaasineq suli ingerlasoq Kalaallit Nunaanni Politiit marlunngornermi ullaakkut paasissutissiissutigaat.

Angut arfininngornerup unnuaani aalakoorluni nikallungallunilu ernguttuniit ingerlammat kingullermik takuneqarpoq. Politiit quit, angallatit allallu ujaasiffiusinnaasut ujarlerfigeqqullugit innuttaasunut kaammattuutigaat.

Angut taanna politiit Facebookimi quppernerminni aqqa assigalugu ataasinngornermi saqqummiuppaat.

Pisoq pillugu paasissutissaateqaruit politiinut saaffiginnissinnaavutit uunga: 70 14 48.