KL

DK

Aningaasarpassuarnik nassaarnerup kingorna angut aningaasanik pinerlunnerminngaanneersunik malunnarunnaarsaasutut unnerluunneqartoq

32-nik ukiulik ullumi Sermersuup Eqqartuussiviani aningaasanik pinerlunnerminngaanneersunik malunnarunnaarsaasimaneranik sassartinneqarpoq.

Ilanngaaserisut aningaasarpassuarnik nassataani nassaarnerisa kingorna angut tigusarineqarpoq.
Hanna Hviid Hanna Hviid Tusagassiortoq
Saqqummersinneqarpoq

Kalaallit Nunaanni politiit marlunngornermi angut 32-nik ukiulik tigusaraat aningaasanillu pinerlunnerminngaanneersunik malunnarunnaarsaasutut unnerluutigalugu.

Tamanna Nuup mittarfiani angutip Kalaallit Nunaannit aallarniarnerani ilanngaaserisut angutip nassataani aningaasarpassuarnik nassaarnerannut atatillugu pivoq.

Taama Kalaallit Nunaanni politiit tusagassiuutinut nalunaarutiminni allapput.

- Aningaasarpassuit pineqarput, 32-nillu ukiulik pingasunngornermi maajip 28-ianni Sermersuup Eqqartuussivianut sassartinneqartoq, suliamik misissuisut pisortaat Malik Sandgreen oqarpoq.

Unnerluusisussaatitaasut sassartitsinermi suliap matoqqasumik ingerlanneqarnissaa piumasarilersaarmassuk, politiit aningaasat qanoq amerlatiginerat erseqqissumik oqaatigiumanngilaat.

- Ilanngaaserisut tamatigut sukumiisumik suliaminnik ingerlatsisarnerannik Kalaallit Nunaanni politiit nersualaaraat, Malik Sandgreen oqarpoq.

Unnerluussisussaatitaasut 32-nik ukiullip ulluni 28-ni tigummigallarneqarnissaa piumasarilersaarpaat.

inuiaqatigiit Kalaallit Nunaanni politiit sermersooq eqqartuussivik aningaasat pinngitsaaliissummik allanngortinnerat inuussutissarsiornermut

Atorfiit tamaasa takukkit

– Se alle jobs

Powered by Labrador CMS