-
Akissarsiat uannut pissutaanerupput, Aqqalu Sandgreen oqarpoq.
Sooq
ilinniartitsisutut atorfeqarusunnginnersoq aperineqarami taama akivoq.
-
Akissarsiat uannut pissutaanerupput, Aqqalu Sandgreen oqarpoq.
Sooq
ilinniartitsisutut atorfeqarusunnginnersoq aperineqarami taama akivoq.
Aqqalu
Sandgreen Ilinniarfissuarmi 2023-mi naammassivoq. 30-nik ukioqarpoq
Aasianneersuullunilu.
Ilinniartitsisutut
allagartani meeqqat atuarfinni atorfilittut atorsimanngisaannarpaa,
assigiinngitsunik pissuteqarpoq. Aningaasarsialli pissutaanerpaapput.
-
Ineqarnermut akiliutit, mobiilimut internetimullu akiliutit aningaasartuutillu
allat eqqarsaatigissagaanni akissarsiakka naammanngillat, Aqqalu Sandgreen
oqarpoq.
Kalaallisut,
timersornermut pinngortitalerinermullu ilinniartitsisuuvoq.
Aqqalu
Sandgreen ilinniarnermini Nuummi meeqqat atuarfiini arlalinni sulisimavoq.
-
Klassimi nalinginnaasumi 27-t missaanniittunik atuartulimmi
ilinniartitsiniarlunga misiliivunga. Malinnaatinniarneri
ajornakusoortorujussuupput. Suliarujussuuvoq tunniusimalluinnartariaqarlunilu.
Aamma akissarsianut naapertuutinngilaq, Aqqalu Sandgreen isumaqarpoq.
Ilinniartitsisut
kattuffiata, IMAK-ip, Namminersorlutillu Oqartussat akornanni isumaqatigiissut
naapertorlugu ilinniartitsisut naammasserlaat meeqqat atuarfianni atorfinittut
tunngaviusumik 24.354,37 koruuninik akissarsiaqarput.
Suliffik
allaaneq
Aqqalu
Sandgreenip meeraallunili ilinniartitsisunngornissani
takorloortarsimagaluarpaa. Aatamisut.
Aasianni
ilinniarnertuunngorniarfimmi ilinniartilluni meeqqat atuarfianni aamma
paarlatsitut sulisarpoq, tamannalu nuannarilluinnarlugu.
-
Aataga ilinniartitsisutut ilinniarsimasuuvoq, ilagiuartarpara. Taamaattumik
ilinniartitsisunngorniarnissama aalajangiunnera pissusissamisuuginnartutut
ippoq, Aqqalu Sandgreen oqarpoq.
Ilinniarfissuaq
nuannaraa, ingammik atuaqatinilu ataqatigiinnertik.
-
Ilinniartuunerup ilinniartitsisuunerullu assigiinngissutaat annertoorujussuusoq
paasivara, oqarpoq.
Assersuutigalugulu
atuartut inimi atuartitsivimmiippallaarnerat.
-
Allattarfiup saani issiarusaarnermiit timip atornissaa ornigineruara, timi
aalatillugu, oqarpoq.
Aqqalu
Sandgreen meeqqanut inuusuttunullu angerlarsimaffiup avataanut
inissinneqarsimasunut angerlarsimaffianni Timi Asimi maanna sulisuuvoq.
-
Tassani akissarsiakka naapertuunnerupput sulineralu
pinngortitamiinnerujuulluni. Timi atorlugu aalalluni ilinniartitsineq meeqqanut
uannullu tulluarnerusoraakka, Aqqalu Sandgreen oqarpoq.
Meeqqat
atuarfiini specialklassini siunissami sulilernissani takorluugaraa, qaqugu
tamanna pissanersoq oqaatigiuminaatsippaa.
