Aqqartartoq 'pulaarsaasoq'
Portugalimiut aqqartartuat Nuummi ulluni makkunani tulaqqasoq soqutiginnittunit tallimanngornermi ualikkut pulaarneqarsinnaavoq.
Aqqartartoq tallimanngornermi nalunaaqutaq 15:00-miit 17:00 tungaanut takornariarneqarsinnaavoq.
Assiliisoq: Leiff Josefsen
Nuup eqqaani aqqartartoq pingasunngormat takuneqarsinaanngormat alutorineqangaatsiarpoq.
Portugalip sakkutuuisa imarsiortut aqqartartorigaat Issittumi Sakkutooqarfik ilisimatitsivoq. Sakkutuullu illersornissaqarfik suleqatigalugu piffissami tulliuttumi Kalaallit Nunaata sikuata ataani angalanermik sungiusassasut ilanngullugu paasissutissiissutigalugu.
Aqqartartup avannamut sungiusariarluni ingerlaqqitsinnagu Nuummiut soqutiginnittut umiarsuaq qanimut takuniarsinnaalerpaat.
Aqqartartumut Arpãomut ikinissamut periarfissaasoq qulakkeersimallugu Issittumi Sakkutooqarfik sisamanngornermi allappoq.
- Tallimanngorneq apriilip 26-at nal. 15:00-17:00 umiarsualivitoqqami innuttaasunut ammatitsissaaq. Inissaqartitsineq killeqarmat aggertut tamarmik isertinneqarnissaat neriorsuutigineqarsinnaanngilaq.
Aqqartartumi ikissaguit pitsorluttuussanngilatit. Taskit/nammattakkat anginerusut nassaqqusaanngillat. Aqqartartumi assiliisoqaqqusaanngilaq, Issittumi Sakkutooqarfik allappoq, utaqqisoqarsinnaaneralu ilimasaarutigalugu.
Innuttaasut aqqartartumut ikiumasut majuartarfikkut majuarsinnaasariaqarput atersinnaasariaqarlutillu.
Aqqartartot pingasunngormat tulakkiartortoq.
Assiliisoq: Leiff Josefsen
