Aqqusinikkut angallannermi ajutoortoqarnerani angut utoqqaq toqusoq
Sisimiuni angut utoqqaq lastbiilinik uteriarfitiginnermi kingorna aqqunarnini pissutigalugu pingasunngormat toquvoq.
Assiliisoq: Leiff Josefsen
Pingasunngornermi ualikkut Sisimiuni Ane Sofiap Aqqutaani angut utoqqaq lastbiilinit sukkavallaanngitsumik ingerlasunit aporneqarsimavoq, Kalaallit Nunaanni Politiit pigaartuisa pisortaat Anette Ostenfeldt Sermitsiaq.AG-mut ilisimatitsivoq.
Politiit nalunaaqutaq 14.14 aggersarneqarput, angullu utoqqaq aporneqarnermi kinguninngua ilisimasimavoq. Kingusinnerusukkulli ilisimajunnaarpoq, uummarsarneqaraluarporlu.
Angulli annaanneqarsinnaasimanngilaq, nalunaaqutarlu 15.43 Sisimiuni napparsimmavimmi toqusutut nalunaarutigineqarpoq.
Lastbiilinik aquttoq mianersuaalliorluni toqutsisimasutut unnerluutigineqarpoq, soorlu taamatut pisoqaraangat taamaaliortarneq nalinginnaasoq.