Arctic Circle Business: Siulersuisuni ilaasortat nutaat Qeqqata Kommuniani inuussutissarsiorneq nukittorsassavaat
Qeqqata Kommuniani suliffeqarfiit kattuffiat Arctic Circle Business marlunngornermi maajip
21-ani ataatsimeersuarpoq, tassani Milak Productionsip piginnittua Ulloriaq Kreutzmann siulersuisunut ilaasortanngorrpoq. Anette Lingsilu ilaasortaajunnaarluni.
Arctic Circle Businessimi siulersuisut Qeqqata Kommuniani inuussutissarsiornermut periusissiamik nutaamik ineriartortitsinissamut qitiusumik inissisimassapput.
Foto: Arctic Circle Business
Arctic Circle Businessimi siulersuisunut ilaasortat nutaat nutaartaqarput, Milak Productionsimi piginnittoq Ulloriaq Kreutzmann nutaaliortutut piuartitsinissamullu tunngasunik nioqqutissiortartoq misilittagaqartoq ilaasortanngorpoq.
Ulloriaq Kreutzmann aallarnisaanermik sanaartornermillu ilisimasaqarluarpoq, aamma qimminut nerisassanik piujuartitsilluni tunisassiorneq immikkut ukkatarisimavaa.
Allannguutinut siulersuisut
Siulersuisut nutaat inuussutissarsiortut kattuffianni siuttuussapput, tassani piffissami inuussutissarsiornerup siunissaanik allannguutit, soorlu aalisarnermut takornariaqarnermullu inatsisit nutaat aallaavigalugit sulisussaallutik.
Nuna tamakkerlugu attaveqaatit allanngortinneqarnissaannik Innovation Greenlandip immikkoortiterneqarneranik misiliummik suliniut inuussutissarsiornermullu periusissiap nutaap ineriartortinneqarnerata kingunerisaannik allannguuteqangaatsiartussami taamaalullutik siulersuisut sulissapput.
Siulersuisut aamma Qeqqata Kommuniani inuussutissarsiornermut periusissiamik nutaamik ineriartortitsinermi qitiusumik inissisimassapput, inuussutissarsiortut kattuffiat tusagassiuutinut nalunaarummi ilisimatitsivoq.
- Arctic Circle Business aallarnisaanermik takornariaqartitsinermillu suliniuteqarnera iluatsilluarpoq, alloriarnerillu tulliuttut tapersersornissaannut qilanaarpunga. Ukioq manna aalisarnermut inatsit nutaaq akuersissutigineqarpoq takornariaqarnermullu inatsit nutaat tusarniaassutigineqarluni, Qeqqata Kommuniani inuussutissarsiortunut aallarnisaasunut periarfissat unammilligassallu nutaat aqqusaarneqassapput, siulittaasoq Sofie Frydenrejn Johansen oqarpoq nangillunilu:
- Arctic Circle Businessimi suliniutigaarput inuussutissarsiortut inatsisit nutaat aqqutigalugit ilaasortat tapersersornissaat aqqutissarsiornissaallu. Aammattaaq tamaani pissanganartumi ATV-nut aqquserngit ukioq manna ammarneqassapput. Qeqqatami Kalaallit Nunaannilu inuussutissarsiornikkut pitsaanerpaamik ineriartortitsinissamut suleqataasinnaagatta tulluusimaarutigaarput, tamannalu ilaasortatta aamma qanimut suleqatitta kommuni Namminersorlutillu Oqartussat suleqatigilluarnerisigut angussavarput, siulersuisunu siulittaasoq, Sofie Frydenrejn Johansen naggasiivoq.
Ilaasortat
Arctic Circle Business ullumikkut suliffeqarfinnik 72-inik akiliisartunik ilaasortaqarpoq.
Arctic Circle Businessimi siulersuisut ataatsimeersuarneq naammassimmat imaalerput:
Siulittaasoq: Sofie Frydenrejn Johansen, Frydnrejn
Siulittaasup tullia: Henrik Sachse, Arctic Star
Siulersuisuni ilaasortaq: Najannguaq D. Lennert, GrønlandsBanken
Siulersuisuni ilaasortaq: Jonas Nielsen, Permagreen
Siulersuisuni ilaasortaq: Ulloriaq Kreutzmann, Milak Productions, Tupilak Constructions
Siulersuisuni ilaasortaq: Magnus R. Ellekær, Hotel Søma
Sinniisoq: Søren O. Damgaard, Royal Greenland
Siulersuisuni ilaasortaasimasoq Anette Lings, Hotel Sisimiut & Toursimeersoq ataatsimeersuarnermi ilaasortaajunnaarpoq.
