- Qiarusuppunga! Eqqagassaatitit equutissiakullu nassarsinnaanngikkukkit, taava Arctic Circle Trail ilinnoortuusimassanngilaq, Lisa Germany, Arctic Circle Trailimi aqutsisuusoq nittartakkakkut attaveqatigiittarfikkut allappoq.
Pisuttut eqqagassaatitik angerlaattarniassammatigit Arctic Circle Trail pilersaaruteqarpoq eqqaaviit tungujortut piiarneqassasut.
- Qiarusuppunga! Eqqagassaatitit equutissiakullu nassarsinnaanngikkukkit, taava Arctic Circle Trail ilinnoortuusimassanngilaq, Lisa Germany, Arctic Circle Trailimi aqutsisuusoq nittartakkakkut attaveqatigiittarfikkut allappoq.
Pisuttut eqqagassaatitik angerlaattarniassammatigit Arctic Circle Trail pilersaaruteqarpoq eqqaaviit tungujortut piiarneqassasut.
- Eqqaaviit tamaasa illuaqqaniittut ukioru piiarneqassasut pilersaarutaavoq. Neriuppugut pisuttut eqqagassatik eqiaginagit nassartalerumaaraat, Lisa Germany Sermitsiamut oqarpoq.
Eqqagassat aasaanerani ajornartorsiutaanerupput, aasaq manna aqqummi eqqaavilerisoqannginnera peqqutaalluni.
Kommunip illuaqqat pigivai aserfallatsaaliortussaallugillu, aamma ukiukkut eqqaaviit anartarfiillu imaarnissaat aamma isumagisaraat, aasaaneranili tamanna pisinnaanngilaq.
Eqqagassat nassarnissaanik ileqqoreqqusaq
Naak eqqagassat pillugit paasititsiniaanerit Facebookikkut pisaraluartut ajornartorsiut annertoorujussuuvoq. Arctic Circle Trailip Facebookimini eqqagassat pillugit paasititsiniaanerit pisaraluartut, aqutsisoq paasissutissiivoq.
- Pisuttut sakkortuumik piumaffigineqarput eqqagassaatik, soorlu nerisassat sinneri, gassikut, equutissiakut angerlaattassagaat, Lisa Germany peqqusilluni oqarpoq.
Aningaasaliisussat pisariaqartinneqarput
- Aqqutip kommunimiit allamiilluunniit ukiumoortumik aningaasaliiffigineqarnissaa pisariaqarluinnarpoq. Assersuutigalugu nunanit allaneersut pisunnissaminnut aserfallatsaaliinissamut akiliisinneqartariaqaraluarput, taava aasaanerani illuaqqat eqqai eqqagassanik piiaaffigineqartassagaluarput, Lisa Germany, Arctic Circle Trailimi aqutsisuusoq naggasiivoq.
