Meerartaarniarsarigaluarnermi erloqineq,
ilukkut aseruuttoornerpassuit, illiaarsittariaqarnerit allaallu inuunermik
navianartorsiornerit. Arnat spiralilersorneqarsimasut timikkut tarnikkullu ikilerneqaataasa taakkua
ilagiinnarpaat.
- Tamakkorpaaluupput anniaatit
nipaatsumik atornikuusagut, Naja Lyberth spiralilersorneqarsimasut
naalagaaffimmik eqqartuussivilersuussiniartut sinnerlugit oqaaseqartartoq
oqarpoq.
Meerartaarniarsarigaluarnermi erloqineq,
ilukkut aseruuttoornerpassuit, illiaarsittariaqarnerit allaallu inuunermik
navianartorsiornerit. Arnat spiralilersorneqarsimasut timikkut tarnikkullu ikilerneqaataasa taakkua
ilagiinnarpaat.
- Tamakkorpaaluupput anniaatit
nipaatsumik atornikuusagut, Naja Lyberth spiralilersorneqarsimasut
naalagaaffimmik eqqartuussivilersuussiniartut sinnerlugit oqaaseqartartoq
oqarpoq.
Arnani naalagaaffimmik
eqqartuussivilersuussiniartuni 143-ni pingajorarterutaat sinnerlugit, tassa
52-it spiralilersorneqarnerup kingunerluutai peqqutigalugit
meerartaarsinnaasimanngitsut kisitsisit nutaat takutippaat. Kisitsisit taakkua
spiralilersuisimanermi misissuisuni aqutsisut arnallu naalagaaffimmik
eqqartuussivilersuussiniartut eqqartuussissuserisuata suleqatigiinnerisigut
paasineqarput. Arnat apeqqutinik akisassaminnik nassinneqarnikuupput,
akissutaallu qiviaraanni kingunerluutinik arlalinnik ulluinnarsiuteqartut
paasinarsivoq.
Arnarpassuit spiralilersuisimanerup
kingunipiluisa atornerini naartuniartarsimagaluartut
iluatsitsinngisaannarsimasut kisitsini taakkunani saqqummertunut ilaavoq.
Spiralilersorneqarnerummi kingunipiluisa atornerini meerartaarniarsarigaluarneq
ilungersuutigisarsimavaat.
- Nalunngisakka malillugit
arlalippassuit reagensglas atorlugu aamma naartuniarsarinikuugaluarput, Naja
Lyberth oqarpoq.
Arnat kisimik eqqorneqanngillat
Arnat naartuniarsarinerminni ilungersortut
kisimik eqqugaasanngillat.
- Arnaannaanngitsunut angutinut
aappaasunut uiusunut tunnikuuvoq.
Iluatsitsinngitsooqattaarnerillu
aappariinnerit kipiinnartariaqarnerannik aamma kinguneqartarsimavoq.
- Taamaattumik ilaasa
qimanneqarnerannik kinguneqarnikuuvoq arnap naartusinnaannginnera pillugu.
Arnat ilarpassui maanna
utoqqaliarsaalerput, kingunerluutillu ilarpassui suli atorpaat.
- Soorunami taanna
aliasunnerujussuarmik kinguneqarpoq arnarpassuarnut. Alianarporlu
kinguaaqarsinnaanani isiginnaartuuinnarluni, soorlu ernutarpassuaqalersunut
ernutaqqiuteqalersunullu, Naja Lyberth oqarpoq.
Inuunermik navianartorsiornermik
kinguneqartarpoq
Arnat spiralilersorneqarsimasut ilarpassui
suli meerartaarsimanatik inuusuttuaraallutillu meerartaareernikunut
naatsorsuussanik spiralilersorneqarsimagamik kingunerluuterpassuit
aqqusaarsimajaat Naja Lyberth oqaluttuarpoq. Ilaallu illissap paavatigut naartulersimasut inuunerminnik
navianartorsiortarsimapput.
ARNAT 143-T KINGUNERLUUTIT UKUA AQQUSAARPAAT
- 52-it naartusinnaasimanngillat.
- 33-t illiaarsissimallutik.
- 74-it mannissap aqqutaatigut innarlerneqarsimapput naartuniarnerminni ajoqutigisaminnik.
- 112-it arlaleriarlutik ilumikkut aseruuttoornermik ajornartorsiuteqarsimapput.
- Inuunerminni
navianartorsiorsinnaasarput. Aamma mannissaqarfiit innarlerneqarneri,
aanaarnerit, anniarnerit, aseruuttoornerit. Ilaqarpugut
aalersortittariaqarsimasut. Spiral peqqutigalugu aanaaraluartut, spiral (nakorsat
aaqq.) peerumanagu aalersortissimasunik, Naja Lyberth oqaluttuarpoq.
Naja Lyberthip spiralilersorneqarsimasut
kingunerluutinik atugaqarneri ilisimagamiuk kisitsisit ersersitaat
tupaallaatigivallaanngilaa.
- Arlaatigut nalunngereerpara
taamaattoqartoq, Facebook gruppeqaratta paasissutissanillu annertuunik
tunioraattarluta, Naja Lyberth oqarpoq.
