Arnaq tatsimit qaqinneqarpoq - toquvorli
Ataasinngormat arnaq Tasersuarmit qaqinneqarpoq, toqusorli politiit ilisimatitsissutigaat.
Arnaq 40-t sinnerlugit ukiulik ataasinngormat unnukkut Qaqortumi Tasersuarmit qaqinneqarpoq.
Tamanna KNR-ip allaaseraa.
Arnaq ikiorneqaqqaarpoq, toqusorli politiit tusagassiutinut ilisimatitsipput.
Politiit, qatserisartut ambulancellu inuk imaaniittoq pillugu nalunaaruteqartoqarmat tatsimut ornigussimasut, Pigaartut pisortaat Jørgen Madsen Sermitsiamut oqarpoq.
Takunnittup arnaq nunamut qaqissimagaa, taamaattumillu napparsimmaviliaanneqapallassimasoq inuunerali annaanneqarsinnaasimanngitsoq, pigaartut pisortaat oqaluttuarpoq.
Ilaqutaasut kalerrinneqarsimapput, Jørgen Madsenilu oqaluttuarpoq toquneranut atatillugu pinerluttuliortoqarsimanissaa pasitsaanneqanngitsoq.
