KL

DK

Arnat inuusuttut marluk Nuup illoqarfiata ilaani aallaasersortoqarmat ikilerneqartut

Politiit Nuup illoqarfiata immikkoortortaani Nuussuarmi aallaasersortoqarneranut atatillugu inuit tallimat tigusaraat.

Grønlands Politi
Thomas Munk Veirum
Thomas Munk Veirum Tusagassiortoq
Saqqummersinneqarpoq

Arnat inuusuttut marluk aallaasersortoqarnerani ikilerneqarsimasut Kalaallit Nunaanni Politiit tallimanngornermi ullaap tungaani nalunaarput.

Nuummi illoqarfiup immikkoortortaani Nuussuarmi aallaasersortoqartoq politiit unnuaq nalunaaqutaq 02.18 nalunaarfigineqarput.

- Arnat inuusuttut marluk pisumi ikiligaapput maannalu nakorsarneqarlutik, politiit tusagassiuutinut nalunaarummi allapput.

Maannamut inuit tallimat pisumut atatillugu tigusarineqartut politiit aamma allapput.

Pisoq pissutigalugu politiit Sangoriap Nuussuallu akornanni aqqusineq matuaat. Tassuunaaqqusinnginnerlu maanna atorunnaarpoq aqqutigineqarsinnaanngoqqillunilu.

Politiit suliaq pillugu maanna oqaaseqarsinnaannginnerarput.

inuiaqatigiit Kalaallit Nunaanni politiit inuussutissarsiornermut tigusarinninnerit pisut nuuk nuussuaq

Atorfiit tamaasa takukkit

– Se alle jobs

Powered by Labrador CMS